close

社交圈

幸福媽媽

話就話日日都應該是母親節，但正日殺到嚟，邊個阿媽唔想仔女表達吓心意，仲要人到禮到，咁先有得晒命㗎嘛！

四太攞晒彩

賭王將本週日正日母親節俾咗三房，但四太亦唔執輸，上週六下午就和賭王及大女超盈出銅鑼灣 Cova high tea高調慶祝，問四太收乜禮物？佢即刻喺賭王耳邊嗌：「問你有冇送花？」四太之後代賭王答：「送九十九枝花。」原來賭王一早命人放了紮玫瑰喺餐廳俾佢驚喜，氹得四太即場向賭王送上肉嘴；問超欣和兩個兒子會否來慶祝？四太笑笑口話：「佢哋喺英國，邊有假期。」


High tea後，賭王返三太大宅交人，兩母女就去 Valentino掃貨。 

超盈拎住同老豆合照嘅花束，就係賭王送俾四太的九十九枝玫瑰。 

何超雲御用紅蛋糕

飛咗去英國避陳山聰的何超雲，其間因食物中毒令陳山聰有機會埋身照顧搏箍煲，雖然二人感情仲撲朔迷離，但話晒母親節，超雲上週三亦從英國飛返香港，佢話：「返嚟陪媽咪過母親節。」但母親節當日，他們一家卻匿喺屋企慶祝，只把照片放上微博。而今次個蛋糕，又係超雲最愛、 Sevva出品嘅 Celebration Cake，一來貪佢個名好意頭，二來蛋糕顏色是用紅菜頭汁染製，絕無人造色素，夠晒健康。




身處英國的何超蓮在微博講愛媽媽，公開話：「你的禮物除了花以外就是我啦，我把自己裝在鞋子裡送給你了。」實行隔空做個好孩子。 

無論是賭王抑或自己生日，超雲都會買這款千元一個的 Celebration Cake。 

榮雪梅食買玩

榮雪梅拖埋阿媽一齊去威，過大海睇色惑騷，第二日又繼續玩，「之後一齊去咗大三巴、威尼斯人酒店及大運河商場，但只係食嘢。」問她如何慶祝母親節？「一齊過已經開心，媽咪鍾意買乜都無所謂。」月底她的兒子會回港逗留一個星期，榮雪梅預早講定：「呢排好忙。」

呂麗君黑面

向來孝順的劉鑾雄，母親節當日聯同細佬劉鑾鴻兩公婆、細妹劉玉珍（左）和女友呂麗君（右），陪阿媽去福臨門飲茶慶祝。貴為北京市政協的呂麗君當日冇帶埋一對仔女出現，食完飯就由她負責攙扶劉媽媽離開，明知有記者影相，她依然唧都唔笑，好唔開心咁款。

鄭詩韻四代同堂

離開了天機公關另立門戶 trimaran的榮文蔚表妹鄭詩韻，週日帶埋婆婆、雙方父母跟三歲的 Ayden和兩歲的 Ashton，到遊艇會四代同堂慶祝，今年已是第三年過母親節，感覺反而愈來愈濃，「之前佢哋唔識講嘢，今年兩個仔一早就同我講 Happy Mother's Day，真係超冧。」



大仔自製母親節咭，細仔又整了小禮物，雖知是老師出手相助，但鄭詩韻仍甜在心頭，「好 sweet、好開心。」 

謝玲玲甜到漏

林建岳和前妻謝玲玲雖然離婚多年，不過她跟前奶奶林余寶珠的婆媳關係依然不變。週日的母親節，仔女林恬兒（左一）、林孝賢（右二）和林愛兒（右一）送上四個蛋糕賀節，謝玲玲與余寶珠未食都已心甜。

羅霖
帶仔做善事

今年母親節，單親媽咪羅霖帶埋七歲兒子劉子晉出席點滴是生命在山頂的籌款活動，已經連續兩年都參與活動的羅霖最開心除了因為「羅霖粉絲會」籌到二萬六千元外，仲因為囝囝一早送咗個 Hello Kitty公仔給她做禮物，她笑笑口說：「夜晚仲有節目，會同媽咪及三個仔食飯。」


撰文、攝影：名人組

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄