close
除咗幫自己兩個女入貨，邱淑貞仲揀咗成枱 BB衫，用嚟送俾洪天明同錢嘉樂。
同你吟一吟
邱淑貞攞衫派街坊
老公沈嘉偉係時裝王國老闆，身為沈太嘅邱淑貞同三個女可以慳番唔少買衫錢，平日會定期出鋪頭攞衫嘅老闆娘，上星期二（七日）又出動，去到銅鑼灣嘅 BAPE KIDS掃貨。
老闆娘殺到，職員輪流招呼，遞上新款童裝俾佢慢慢揀。除咗揀女裝，邱淑貞連 BB衫都唔放過，包括一盒三條嘅毛巾仔。
加加埋埋揀咗廿幾件衫，响櫃枱做完簽單手續，再吩咐職員攞多幾個紙袋，將戰利品分開袋，之後沈太再貼咗張紙响紙袋左上角，並寫上「天明仔仔」同「嘉樂囡囡」。原來批衫仔預咗俾洪天明個仔洪大仁，仲有嘉樂仔個女錢凱晴。打老公主意送禮，朋友收到又開心，兩個小朋友又可以著住幫手賣吓廣告，一舉幾得。
全站熱搜
留言列表
