close
林青霞 買穿窿衫誘老公
林青霞自從結婚後一直都養尊處優，全職照顧囡囡同屋企，雖然不時有傳佢婚姻亮起紅燈，但佢無視外間傳言，繼續自己生活。又難怪，如果邢李唔錫佢，又點會起間六億豪宅俾佢住。其實青霞三個女都已經長大，最細言愛今年都已經12歲，進入收成期。所以佢可以多時間寫書、出席慈善活動，又或者同好友陶敏明(狄龍太太)去飲茶、行街，生活好不寫意。
今年58歲青霞，平日衣著打扮清雅大方，但估唔到佢都有解放時候。本週一(13日)黃昏，青霞相約陶敏明去中環行街。青霞先入去miu miu睇衫，見佢對件灰色長款針織衫情有獨鍾。當時好姨覺得件衫平平無奇，但原來背後隱藏玄機，難怪青霞望住件衫後面咁耐啦！
背藏玄機
呢件衫前面雖然密實，但原來特別在背後設計。上下兩部份設計，下幅三角小布用繩繫在腋下同腰旁之間，不經意露出肉背，實在係個驚喜設計。難怪青霞花了不少時間研究後，仍有興趣繼續試穿上身。
青霞揀件咁古惑衫，都係俾老公睇，等生活有點綴。為保持神秘，青霞試穿時仍然住白色襯衫，未有機會睇清楚件衫特性同佢肉背，實在可惜。除揀衫之外，青霞同時襯埋手袋，可以見到佢對打扮非常認真。而冇買陶敏明就飲住咖啡陪佢，真係非常老友。最後，青霞時裝店睇足大半個鍾，雖然離開時兩手空空，但見佢咁鍾意件衫，好可能行完一輪之後會返轉頭買番。
大女嘉倩（張天愛生）開幼兒中心，努力自己事業。愛林就讀大學，細女言愛又開始讀中學。係時候同個老伴好好相處，一齊走埋住後日子。
放大圖片
全站熱搜
留言列表
