豬心九肚魚蠔仔湯飯$30供應十幾款豬內臟，包括豬心、豬腰等。九肚魚滾湯更覺鮮甜，若選蠔仔須加$2。大眼雞一條加$5至$7，平過打冷。 

庶民飯堂

足料生滾湯飯  肥仔生滾湯飯專門店

$28快餐店碟頭飯當正餐？別講笑了，幾啖飯幾片肉夠飽嗎？要大件夾抵食，始終是街坊小店最實惠。三月中在深水埗開張的肥仔生滾湯飯專門店，兩個肥老闆阮生和李生在荔枝角舊店以經營生滾湯飯起家，當時只做晚市，已引來大批食客幫襯。新店面積大一倍，維持一貫街坊價，$28任揀三餸滾湯，白飯另上。

賣點當然不只價錢平，老闆每日用豬骨、魚骨、蝦殼、藥材等熬煮湯底，絕無味精，飲落清甜不膩。任選生料多達三十幾款，肥牛肉丸菇菌魚蛋一應俱全，還有蠔仔、基圍蝦、九肚魚等，由老闆每日到北河街街市海鮮檔選購，有時甚至有賴尿蝦、田雞供應，視乎當日貨源而定。客人選好材料，老闆就會再加蔬菜用湯底生滾，另伴以白飯，大多數客人愛把飯倒進湯中混和來吃，但亦有客人分開吃，以嗒真飯味，因為老闆揀泰國香米煮飯，入口鬆軟有飯味。快餐店貨色，無得比。

即點即煮，豬骨湯底夠清甜但不太濃稠，用來做湯飯啱啱好。 

鯪魚球肥牛海蝦湯飯$31鯪魚肉是店內新鮮打製，海蝦則要加$3，送埋時菜，白飯分量足。 

三十幾款生料，大部分屬即日來貨的新鮮食材。新店附近有不少茹素街坊，特別增設多款素食料，如木耳、涼瓜、雪耳等。

肥仔生滾湯飯專門店
地址：深水埗基隆街 232號
電話： 2720 7711
營業時間： 11am-11pm

撰文：鄭鳳
攝影：譚旭堯