張苡澂駁髮爭拗報警

■張苡澂（右）報警求助，一度眼泛淚光。

歌手張苡澂近日被髮型師Kenny追討4,800元訂駁髮用品費用，但她懷疑對方利用英國大公司名義詐騙，昨日聯同經理人李子楓等人到灣仔警署報警備案。張苡澂一到場便落淚，表示去年該髮型師建議駁髮，並說會代為訂貨，但等了半年不果，她轉往其他髮型屋整髮，怎料今年2月突然被追數，並指假髮已到：「唔係錢問題，踩到我一文不值！原本唔想搞咁大，但公司已插手。」
採訪：溫敏芝
攝影：陳慧安

張苡澂報警哭訴「髮」外情

歌手張苡澂（Venus）昨日到灣仔警署備案，Venus甫抵達警署就眼淚直流，大呻去年中接受髮型師K生先的建議駁髮，但事隔數月仍冇回音，豈料今年初突然收到K生先的4800蚊訂駁髮用品收據，她無奈稱：「一開始都冇報價，況且我又冇用過！」在旁的經理人李子楓則聲稱，懷疑有人涉嫌偽造文件，加上對方計劃告上小額錢債審裁處，故決定報警備案。Venus又哭訴慘遭對方「四圍唱」：「佢踩到我一文不值，根本唔係錢嘅問題，我整頭髮畀小費都1000蚊啦！」

張苡澂（Venus）（左）

本報記者昨日致電K生先查詢，他表示：「有次張小姐話想駁髮，咁海外訂假髮需時，貨到咗後我叫佢嚟整頭，但佢話等得太耐去咗第二間整，佢已經破壞咗口頭承諾，仲搞到我好似敲詐咁。」談到是否有人涉嫌偽造文件？他就以工作為由表示容後再回應。