close
同你吟一吟
黃家強合家陪阿媽
今年係 Beyond主音黃家駒逝世二十周年，可惜三子重組搞紀念騷無望，身為家駒胞弟嘅家強，決定六月初單飛開騷紀念亡兄。
個唱在即，家強再忙，都唔可以唔同媽咪慶祝母親節。星期日（十二日）晚七點，家強同日籍老婆加埋兩個仔，一齊去九龍城湖南少奶食湘菜，大哥大嫂仲有兩個家姐，一早就霸定位，老人要早休息，八點鐘就食完走人。出到門口，嫲嫲唔捨得只有一歲多啲嘅家強細仔曜陽，錫完手仔再啜面，至於家強大仔慶陽，就乖乖拖實媽咪行番上車。
家駒都走咗二十年，黃母有兩個得意孫仔，補番數！
只識日語同英語嘅家強太，雖然同奶奶言語不通，但一直有貼身照顧老人家。 
家強一家四口出動，家強抱住細仔，老婆就拖住大仔。
撰文：八珍
全站熱搜
留言列表
