close
同你吟一吟
徐子珊中環扭擰 fing甩咪
○九年拍完無綫劇《絕代商驕》後，全力做世界巡迴篤棟笑吸金嘅黃子華，終於技癢，接演新劇《 My盛 Lady》，幫無綫急救收視。
福將回朝，無綫花旦你爭我擁，結果由徐子珊跑出，可以同黃子華做一對。星期一（五月十三日），劇組喺中環拍外景，講約咗黃子華嘅徐子珊遲大到，要諗計氹番對方。
男女主角同場前，先跳拍徐子珊扭籮行街，搞到路人撞樹。出盡扭力嘅徐子珊，終於扭到黐喺裙入面嘅無線咪都甩埋，最終要停機，等服裝阿姐幫佢整番。當街俾人伸手由裙底摷入去搞搞震，俾鏡頭「隊」住嘅徐子珊笑住詐型：你哋（記者）咁影，我好尷尬呀！
放心，服裝阿姐踎低遮晒，乜都睇唔到！
黃子華等到吽晒，導演叫徐子珊左擰右擰扮蛇氹番對方。 
嘟晒嘴合照係劇情需要，但徐子珊投入到連停咗機，個嘴都仲嘟住唔收。 
俾大風扇吹住，扭住腰擰住籮行嘅徐子珊，邊行邊 fing頭髮。 
因為太出力，搞到甩咪，要服裝阿姐踎低當街伸手入佢裙底搞番掂。 
撰文：八珍
全站熱搜
留言列表
