close
媽咪姐
周啟生局修哥上契
修哥初時玩嘢,話「唔願意」上契,仲叫周啟生問過契女斑斑先。周啟生即扁嘴,後來修哥後兜應承,周啟生話以水代酒,修哥還以金句:「我哋係講心,水就唔使斟,水到飲一飲,我個心好甘。」周啟生即興奮大叫契爺,兩個仲親熱咀嘴㖭。
周小君嘅表現不過不失,初時雖然有啲怯場,但愈唱愈好,尤其同徒弟梁詠琪又唱又跳西班牙歌及〈我的心裏只有你沒有他〉,盡顯星級老師唱功,高音部分比梁詠琪更準更放。
玩開健身又打拳嘅周啟生,剝衫娛賓,雖然腹肌欠奉,但五十一歲仲 keep到鋼條身材,抵佢得戚。
未開演唱會前,周啟生可謂 high爆,同觀眾握手時不停送肉嘴,咀完男又咀女,十分豪放。
周啟生與葉世榮合唱〈愛情的歌〉,兩個男人拖住手情意綿綿互笠高帽。原來歌曲內容是講述兩個男人感情,更以此歌撐「同志」。
今年潮流興螢光色,來捧場嘅鄧英敏太太同江華夫婦,更來個鬥螢。無獨有偶,鄧英敏及江華都是草帽加西裝褸,唔講真係以為他們夾過嚟。
全站熱搜
留言列表