close


最唔鍾意俾人無端端影到家人嘅劉華，等到妻女安全出院後，以華仔老大名義，向佢啲fans「家人」解畫。
五月九日，劉德華同朱麗倩個B女喺養和出咗世嘅消息傳出後，連日來唔少圈中人紛紛隔空道喜，劉華契媽葉德嫻同老死吳君如，前後證實喜訊，唯獨等極都唔見當事人親口認。

 
直至星期一（五月十四日）下午五時四十四分，劉華終於喺華仔天地向佢「家人」報喜。忍口唔講，除咗初做老豆分身不暇，最重要係等妻女安全出院，嚴防傳媒埋伏得米。劉華仲留言唔會將B女面貌上網，至於「其他，面對面說吧！」充滿感情！在此同劉華講聲唔該，企養和嘅手足，終於可以收隊。八珍明白，公器不能私用，但我想借此版位講幾句：希望五月九日唔係劉家千金確實出生日期，否則，同在下屋企隻喵「九姑娘」同日生日！真係咁啱，唔會啩！ ####

 


吳君如公開認收到華嫂朱麗倩回覆，證實劉家千金出咗世消息無錯。（《蘋果日報》圖片）

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄