close


不過兄弟情又點及夫妻情，吳彥祖 say完 goodbye，立即 send message俾老婆報告行蹤，仲急急腳走去隔籬停車場攞車㖭！ 

媽咪姐

吳彥祖快 gym慰大肚妻

吳彥祖同 Lisa S.嘅愛情結晶品下月出世，話晒首次做老竇，吳彥祖零舍緊張，除咗停工放產假外，遲啲仲會陪老婆坐月，做廿四孝老公。

 

吳彥祖近排全力留喺屋企照顧老婆，閒時會做下運動 keep住條人魚線。上周三（ 8日），媽咪姐就發現佢到中環一間樓上 gym操肌，唔夠 45分鐘，佢同一名外籍中坑落樓， say完個美式 goodbye後，嗱嗱聲返屋企交人。講真一句， 45分鐘齋做帶氧運動都唔夠，更何況要操埋二三四頭肌？睇嚟吳彥祖為咗老婆，六嚿變一嚿都冇所謂。



戴住 cap帽嘅吳彥祖出完身汗醒晒，同老外 gym buddy分道揚鑣之前，仲刻意嚟個美式道別法，彰顯兄弟情咁話。 

預產期喺下個月中嘅 Lisa S.，個 B未出世已經搵定奶粉錢，早前佢就幫某奶粉品牌拍微電影。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄