陳法拉不甘居楊怡之下，已先後罷拍《名媛望族》及《法網狙擊》兩部劇。（《忽然1周》圖片）
佘詩曼離巢後，無綫首席花旦之位一直懸空，當中未攞過視后、未拍過一部代表作的陳法拉，幻想自己已經坐正一姐寶座。爭唔到視后，收到新劇本又唔係做女主角，試過扮病推劇的她，最近又重施故技。無綫原本安排陳法拉四月開新劇《法網狙擊》，角色「屈就」做阿二，被楊怡騎住，法拉發揮戲霸本色，企硬唔拍，但轉個頭走去接大陸劇，擺明玩嘢！事件觸動無綫製作部神經，㷫爆！

扮病推劇
恃住自己係Neway新抱有後台，又有高層樂易玲撐腰，難搞的陳法拉竟然連無綫台戲都唔睇，較早前聲稱拍劇捱到面癱，要返美國睇醫生，順勢辭演四十集重頭劇《名媛望族》。
結果，法拉在「養病」期間，依然精神奕奕出席公開活動，只在去年十二月底，返美國一星期探親。陳法拉有病，是嚴重「心病」，知道在《名》劇中戲份比楊怡少一大截，覺得一姐地位被降格，於是扮病推劇。
之後，陳法拉聲稱休息到四月可以正式復工，全心投入拍攝萬眾期待的重頭劇《衝上雲霄2》，點知因為要遷就吳鎮宇檔期，劇集推遲到九月才開拍，無綫為免法拉檔期真空，於是安排她接拍另一部時裝劇《法網狙擊》，飾演一名女警。

 
「法拉聽完故事之後，知道有楊怡，雖然戲份大家差不多，但套劇以法庭戲為骨幹，楊怡做檢控官，法拉做女警，重心情節一定唔會响自己身上，加上楊怡同謝天華一對，佢就配森美，排位上同做阿二無分別。可能唔想又俾楊怡騎住啩，於是咪又話自己病，要休息多一排，暫時唔可以捱住喎！」一名工作人員說。

收視冇保證
陳法拉唔願接，陳敏之臨危受命頂上，但奇在仍需休養的法拉卻在同一時間，接拍了另一套大陸劇《大漠謠》，與胡歌、劉詩詩及彭于晏合作，首次拍大陸劇的她當然坐唔正，要淪為大配角。「製作部嗰邊好㷫，覺得法拉玩嘢，次次啲劇唔啱心水就話自己病，做第一女主角先接，但佢又唔知自己孭唔到收視，之前套《東西宮略》孭晒飛，收視大家有眼睇，楊怡觀眾緣就比佢好得多！」

一姐作風
接job秤過度過的陳法拉，極度重視將開拍的《衝上雲霄2》，對角色分配，更加意見多多。據知，新劇劇本仍在構思當中，編審方面想安排陳法拉飾演地勤人員，但她覺得做地勤身份唔夠高級，於是分別向監製同編劇俾「意見」，認為自己做專業人士會較有說服力。插手為自己的戲份和角色加料，作風架勢，當正自己是無綫首席一姐。

一山不能藏二旦
陳法拉、楊怡同是無綫力捧的當家花旦人選，雙方於公司地位接近，戲霸法拉視對方為頭號，正常！

候選花旦
除咗陳法拉和楊怡爭住補上仍懸空的當家花旦寶座，胡杏兒、鍾嘉欣、徐子珊，同樣對首席花旦之位，流晒口水。

胡杏兒
出道13年，傳是無綫力捧取代阿佘目標，近年所拍的劇集如《怒火街頭》、《萬凰之王》全屬重頭製作，去年更憑《萬》劇撼贏陳法拉奪得視后，是首席花旦大熱人選。

鍾嘉欣
樣甜的鍾嘉欣，從演以來一直被局限做「乖乖女」，花旦群中未見突出，近年被公司刻意改造，早前在《點解阿sir係阿sir》中的一場喊戲，令觀眾刮目相看，之後的《缺宅男女 》做負心女，同樣受好評，不容睇輕。

徐子珊
徐子珊的戲路廣，正邪角色都能勝任，是上位最快的一個姐仔，加上金像獎「最佳新人獎」揸手，影視兩邊走，有助人氣。 ####

 


近年，楊怡所拍的劇集，無論口碑或收視都比法拉優勝。


詐病辭演《法網狙擊》，轉頭法拉卻精神奕奕接拍內地電視劇《大漠謠》，終辣㷫無綫製作部。


早年法拉為搏上位，在劇集《有營煮婦》中剝衫露bra，都無問題。


○二年，胡杏兒在《衝上雲霄》中做地勤人員，暗戀機師吳鎮宇，但在《衝上雲霄2》，法拉卻嫌地勤唔夠專業，向監製詐型，要求改劇本、改角色。（《忽然1周》圖片）


（《蘋果日報》圖片）


雖然法拉罷演，但《名媛望族》仍有楊怡、陳玉蓮、劉松仁等好戲之人撐住。


拍《東西攻略》後變成好姊妹，陳敏之更代替法拉演出《法網狙擊》女警一角。（《忽然1周》圖片）


（《Face》圖片）


（《蘋果日報》圖片）

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄