close
句句金
句句金
郭富城早前發表嘅「着鞋論」，以鞋直指熊黛林（ Lynn）「唔啱着」。
其舊愛鍾麗緹日前出席活動，同樣以鞋大談女人愛情觀，間接安慰同場嘅 Lynn：
女人買鞋好難，着好多好多就會發覺邊對舒服，舊咗咪 next one。
啱吖，換個角度睇，郭富城呢對鞋都已經着咗 7年，舊晒，以阿 Lynn咁嘅條件，唔愁冇鞋着囉。
雲山戀因女尊男卑，一直被外界睇衰，何超瓊對此則另有一番見解：
依家係女權普及嘅現象，好平等，各有各專長……最緊要有感情同感覺，睇扶唔扶到大家。
應該咁講啦，差距唔係問題，不過唔好太遠，而且要睇屋企人接唔接受。始終一段關係，唔只關乎兩個人咁簡單。
80歲仍然係 BB嘅夏蕙 BB，早前喺 facebook宣布出寫真，並留言自嘲：
唔知道會嚇死幾多人呀！唉！又一場生靈塗炭了！
放心喎，你係 BB同時亦係耆英。大家應該會俾面 BB，唔會忍心蝦老人家嘅
全城盡是 BB，就連吳鎮宇都頂唔順，除大彈呢股 BB風潮，更搞笑喺微博留言：
我已自封為鎮宇 DD（弟弟）。
都幾有創意喎。好，以後女嘅叫 BB，男嘅就叫 DD，就咁決定啦。
全站熱搜
留言列表
