搭單慶祝張栢芝在母親節正日要被迫玩失蹤,但原來在前一日,栢芝秘密帶兩個仔到油塘商場 j-plus樂園,參加蔡少芬大女楚兒生日會,順道為 Quintus慶祝。
滾熱辣
母親節拉姑霸兩孫 栢芝被迫提早慶祝
張栢芝去年五月正式跟謝霆鋒離婚,脫離謝家之後的她,擔正的電影全數仆直。事業插水,栢芝近一年幾乎全面停工,專職湊仔。
周日( 12日),適逢母親節兼栢芝細仔 Quintus(謝振南)三歲生日,栢芝原定安排當日在寓所的 club house大搞生日派對,更打算邀請謝氏一家和一眾好友出席。可是埋門一腳,與栢芝屢傳不和的過氣奶奶拉姑,卻打對台表明會在同一日為愛孫搞生日。為免霆鋒左右做人難,栢芝局住提前一日( 11日),帶兩個囝囝到油塘商場的 j-plus樂園慶祝。雖然在細仔正日生日那天被迫失蹤,但陪住兩個仔玩機動遊戲的栢芝,依然笑得開懷。
肉緊陪玩栢芝陪兩個寶貝仔玩機動遊戲時,異常肉緊。當 Thomas車郁動時,猛叫 Quintus揸實軚盤,又叫 Lucas攬實細佬,緊張大師上身。
坐地開餐兩個仔玩到咁上下嗌攰,栢芝有櫈唔坐,反而叫兩個仔行埋一邊坐地下,其間栢芝還給兩子買了一包爆炸糖。不過摸完一輪機動遊戲,冇洗手就食嘢,好唔衞生喎!
當眾教訓Quintus忽然扭計大喊,栢芝即指着他說:「你再喊我哋就返屋企!」見媽咪發嬲, Quintus即醒目收聲。
Quintus愛波波三歲大的 Quintus,樣子越大越似霆鋒,而他最愛玩扭波波,全程將橙色波波攬到實。
Lucas玩得斯文
拉姑落令栢芝「消失」
正當眾人認為二人復合有望,周日( 12日)母親節,亦是栢芝與霆鋒的細仔 Quintus三歲生日,霆鋒在家中開 P慶祝,席間更有拉姑、四哥和細妹婷婷,但身為母親節主角的栢芝,卻全程冇影。知情人透露:「栢芝鍾意熱鬧,每年兩個仔生日都會約朋友同屋企人大搞。原本今年都諗定喺自己屋企個 club house搞。佢之前問過霆鋒意見,霆鋒最初話冇所謂。點知隔咗幾日,佢就打俾栢芝話拉姑自己想搞,叫栢芝搵過第二日。拉姑咁講,擺明冇預栢芝啦,栢芝梗係㷫啦,不過佢唔想霆鋒難做,咪局住話冇問題囉!」
當日壽星仔 Quintus和哥哥 Lucas(謝振軒)在霆鋒家中玩足五粒鐘才返娘家。據知冇兩個仔在身邊的栢芝,則獨自留在家,乾等到晚上八點,才可以守尾門與兩個仔食飯慶祝。
送花俾拉姑
母親節正日( 12日)下午兩點半,謝氏一家包括四哥、拉姑和婷婷齊集霆鋒銅鑼灣栢舍寓所,慶祝母親節之餘,亦為 Quintus慶生。當日 Lucas和 Quintus着到靚靚現身, Lucas更預備了一束鮮花送俾嫲嫲拉姑。
屋邨樂園搭單慶祝
栢芝和蔡少芬原本大纜都扯唔埋,之所以 friend咗,全因栢芝俾面其老公張晉,才會出現生日派對。
正日被迫消失,平時錫仔錫到燶的栢芝,原來在母親節正日前夕,秘密帶了兩個寶貝仔到油塘商場,美國冒險樂園旗下的 j-plus樂園,參加蔡少芬大女楚兒兩歲生日會,順道為細仔慶生。知情人透露:「其實栢芝同 Ada(蔡少芬)本身唔熟,反而上年返內地拍《極速天使》嗰陣,就同做武指嘅張晉熟咗。之後兩家人都試過 house warming, Quintus同楚兒仲 friend埋㖭!上個禮拜六( 11日),楚兒生日, Ada請咗圈中幾個 friend好似鄺文珣同姚瑩瑩出席,佢哋都有請栢芝,不過冇諗過佢真係會到!」
現場所見,雖然只是為他人慶生,但高調慣的栢芝,十足主人家一樣滿場飛,與其他賓客打招呼吹水。其間記者聽到她說:「 Quintus都係金牛座,佢聽日三歲生日呀!」栢芝與賓客打牙骹期間, Quintus忽然扭計要玩機動遊戲,栢芝即指着他訓話幾句。不過口硬心軟的她,隨即動身帶兩個仔去玩機動遊戲。由於每個參加生日派對的小朋友,都可以得到一張有 40點積分的遊戲卡,用來玩各種機動遊戲。當 Lucas玩晒卡中的積分時,即大聲嚷着要媽咪再買金幣,栢芝見他玩得開心,便再換了一百蚊金幣,但就對 Lucas講到明:「嗱!玩完就算,冇得再扭計, OK?」母子三人玩了接近兩小時才捨得離開。
罕有妥協俾面霆鋒
畫畫送媽咪
雖然栢芝冇份出席母親節派對,但 Lucas和 Quintus早前自畫了一幅畫送俾栢芝, Lucas更讚媽咪似超人,栢芝應該甜入心。
遊艇會家庭樂
霆鋒和栢芝正式離婚已一年,但其間屢傳二人復合。去年九月,二人被拍得同在深灣遊艇會家庭樂。着上三點式的栢芝,更疑似繑實霆鋒。
《蘋果日報》圖片
栢芝當日亦有帶大仔 Lucas到遊艇會游水,過氣夫妻更夾手夾腳為囝囝抹身,異常合拍。《蘋果日報》圖片
離婚各有各
自薦跳水栢芝擔正的電影幾乎全仆,為保人氣,早前她參加內地跳水節目《星跳水立方》。有傳此舉只是栢芝自薦𢱑撈,但最終不獲電視台邀請,除了冇得賺百萬跳水費,栢芝練跳水時更傷及舊患,黑過墨斗!
留言列表