着住飄逸長裙嘅 Fiona，攞住成兩萬蚊嘅最新 Bally袋，一馬當先行出名店，而拎住兩個紙袋嘅薛伯母就急急腳跟實。喂喂，後生女，伯母戴晒手套，明顯隻手有啲事喎，仲叫佢拎嘢？ 

媽咪姐

薛凱琪阿媽做阿四

啱啱過咗嘅母親節，唔少藝人都特登請假陪媽咪飲茶行街，媽咪姐嗰日就喺中環 ifc見到薛凱琪（ Fiona）陪媽咪 shopping。佢哋兩母女喺連卡佛買完手袋，又買頸鏈，臨走仲要掃多副太陽眼鏡。

 

Fiona陪媽咪之餘，仲咁大手筆！媽咪姐梗係走埋去讚佢兩句啦，點知「乖女」竟然話：「唔係呀，頭先啲嘢我買俾自己咋！」吓！ Fiona見媽咪姐 O咗嘴，先笑笑口話：「我一早送咗嘢俾媽咪啦，係護膚品嚟㗎！」哦，原來佢一早有表示。之但係咁，薛伯母有乖女陪自己過節梗開心，若然阿女肯幫手拎吓嘢，伯母應該會更高興囉。



薛凱琪喺名店拉低副超，好認真咁去揀鞋同手袋，開頭媽咪姐仲以為係送俾佢阿媽，點知原來全部都係佢自己嘅戰利品！ 

原本媽咪姐想同伯母傾兩句，點知佢笑笑口、擰晒頭走咗去。薛凱琪就好緊張咁話：「佢好怕醜㗎！你哋咪嚇親佢呀。」

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄