鄧萃雯遭圍剿 黃德斌開咪鬧
鄧萃雯孭飛無綫重頭劇《金枝慾孽貳》收視插水，該劇編審周旭明不甘被雯女指摘冇劇本兼狂飛紙仔言論，暗指雯女老鼠跳船，雯女則在微博隔空還擊，盛傳她此舉惹怒《金枝貳》全劇組，前晚劇組飯局和K局雯女完全無影，黃德斌更在電台再踩多腳，令雯女腹背受敵！
鄧萃雯與周旭明早前接受內地媒體訪問時隔空開火，雯女埋怨《金枝貳》冇劇本、對白深兼狂飛紙仔，周旭明反寸對方老鼠跳船，令雯女即在微博反駁，指自己不介懷沉船，只是覺得周旭明任性，不顧演員要有時間準備的需要，不過雯女的觀點卻未獲同劇演員認同，黃德斌加把嘴暗指雯女是偽人，其他藝員亦以行動圍剿雯女，前晚劇組相約飯局和K局，兩場也不見身為主角的如妃娘娘雯女蹤影，反而已離開無綫的監製戚其義都有在場，令不和傳聞甚囂塵上。
伍姑娘Ada鬥大
當晚飯局和K局出席包括伍詠薇、蔡少芬(Ada)、陳豪、葉翠翠、楊秀惠、黃德斌和簡慕華等，伍姑娘更帶埋老公練海棠赴會，眾人在微博上載狂歡「實況」。雖然Ada只出席了頭一part的飯局，但依然是全晚焦點，有人留言讚她生完孩子不久仍這麼瘦，又指伍姑娘胸部比Ada大很多。
黃德斌
昨日黃德斌接受電台訪問時，繼續向雯女踩多腳，對於雯女指無劇本？他說：「其實我唔知佢用咩角度去睇，唔知佢出發點係乜，如果係For宣傳，我就覺得麻麻哋，套劇同九年前嘅團隊一樣，一樣飛紙仔，當時又咁成功？仲創造如妃呢啲角色，（雯女話年紀大唔可以無劇本？）如果係咁就應該一早講，話自己冇劇本拍唔到，唔可以依家出街一半先至講。」
至於關禮傑對於罵戰則保持中立，他說：「大家意見唔同，（雯女話唔明對白？）我覺得佢演得好好，佢係好尊重職業嘅人，可能講者無心，佢修養ok。」伍詠薇則在電話中說：「每個人都有表達自己態度嘅權利，（會唔會做和事老？）未有咁嘅級數。」Ada則在微博有感而發：「高低起跌總要面對。」
文：專案組
《金枝貳》老友飯局飛起雯女
#video_player{width:100%;height:100%;}
■蔡少芬前晚撇低老公同兩個女，同一班《金枝貳》老友食飯傾偈。
【油麻地彌敦酒店】無綫劇《金枝慾孽貳》雖然收視唔得，但戲外劇情似乎更精采！一班《金枝貳》演員伍詠薇、陳豪、蔡少芬（Ada）、黃德斌、楊秀惠同關禮傑等，前晚約埋喺油麻地彌敦酒店食飯，仲有監製戚其義，獨欠呢排是非多多嘅如妃鄧萃雯，擺明飛起佢啦！
前晚9點半，一班演員食完晚飯意猶未盡，再去唱K，但陳豪同Ada都冇去，伍姑娘噚日喺微博上載啲相，似乎玩得好開心。成班人玩到凌晨12點陸續離開，有家室嘅關禮傑最先走，梁嘉琪反問記者：「仲未走呀？佢哋有排呀！」至凌晨1點半，仍未見伍姑娘等人離開。
■《金枝貳》演員齊心約食飯，唯獨唔見是非多多嘅鄧萃雯（小圖）到場。
微博圖片
其實雯女呢排真係好好火，同編審周旭明隔空互罵，日前佢接受內地傳媒訪問又繼續彈《金》劇對白難明，佢話：「大家都說這些台詞不是人聽，其實我也覺得不是人講的！」
德斌寸雯女博宣傳
搞到一向唔多出聲嘅黃德斌都忍唔住出聲，喺微博暗寸偽人宣傳手法低智卑劣，佢噚日接受電台訪問時仲越講越㷫：「九年前一樣嘅班底，當時製作到如妃等人物，點解今次話拍唔到，若果指冇劇本，可以接劇時話唔拍，唔係出街先話冇劇本唔明，不論係為個劇宣傳定為自己宣傳，目的已經達到。」而曾同周旭明合作嘅黃日華、張兆輝等前晚喺灣仔出席活動，佢哋都覺得飛紙仔好有問題，黃日華仲放棄睇《金枝貳》㖭！
採訪、攝影：李志明、羅德光、王崇穎
■據悉前晚飯局由伍詠薇（右）扯頭纜，老公練海棠亦有現身。
■葉翠翠飯後再去唱K，至凌晨先行打的走人。
■黃德斌同戚其義（右）老友鬼鬼，德斌更力撐編審周旭明。
黃日華飛紙仔：完全唔接受
無綫重頭劇《金枝慾孽貳》收視低迷被指主角鄧萃雯鬧爆「飛紙仔」所致，前輩級演員各有表態，其中黃日華表示自己亦曾跟《金》編劇周旭明合作：「飛紙仔我哋係第一代！（唔明對白？）我哋時裝戲好啲、清晰啲。（雯女鬧冇時間準備！）每個人都有困難之處，諗自己立場外，都要諗對方，發洩都係應該，（撐雯女？）作為藝人有晒劇本對自己有把握啲，飛紙仔我由廿年前第一日到依家，都完全唔接受。」
另張兆輝則認為無綫現時缺乏編劇人手，加上公司大量製作，工作人員未有足夠時間創作：「令演員冇時間準備！（有否睇《金枝貳》及《神探高倫布》？）好少睇電視，（收視跌至18點！）唔會啩！觀眾太聰明，覺得冇新意，但創新啲又話係咪咁o架？做老闆好難適應客仔嘅要求。」
《金枝貳》飯局雯女消失
繼日前與《金枝慾孽貳》編審周旭明隔空開火，前晚鄧萃雯再被同劇演員「孤立」，劇組大搞飯局和K局，伍詠薇、蔡少芬（Ada）、陳豪、葉翠翠、楊秀惠、黃德斌和簡慕華，連已離開無綫的監製戚其義亦有出席，偏偏不見雯女。飯局上眾人團結合照，伍姑娘和Ada更搞笑地鬥胸大。而伍姑娘老公練海棠搭着梁嘉琪和楊秀惠等扮享齊人之福，伍姑娘即攬實關禮傑等「反擊」，打成一片。
至於德斌昨日受訪時更對雯女「踩多腳」，對於雯女指沒有劇本，他說：「我唔知佢用咩角度睇，出發點係乜！如果係For宣傳就麻麻哋，套劇同九年前嘅團隊一樣，一樣飛紙仔，當時又咁成功？仲創造如妃呢啲角色！（佢話年紀大唔可以冇劇本？）咁應該一早講，唔可以出街一半先講。」而關禮傑則保持中立：「雯女係好尊重職業嘅人，可能講者無心，佢修養OK。」伍姑娘接受電話訪問時說：「每個人都有表達自己態度嘅權利，冇話邊個啱邊個唔啱。」
留言列表
