上流滙
綠化作用
潮流是一個大循環，沉寂已久的綠色，今年夏季又再復興起來，不少藝人亦搶先由頭綠到腳，發起時裝界的綠化作用。
鄭秀文【下身笨重】（ Good）
綠色薄褸紅白條子上身衫，原本係冇問題，不過條彩色鎖匙裙笨重得滯，加埋條同佢皮膚唔同色嘅肉色絲襪，完全上輕下重。」
Versus
Giuseppe Zanotti
【強國感覺】（ Bad）
「佢呢身造型如果每樣嘢拆件嘅話都唔錯，但加起上嚟就好有強國 feel，尤其對絲襪襯粉紅色鞋，認真失手。而且佢條皮帶太誇張，映到佢條腰好高，好累事。」
吳君如【型格成熟】（ Good）
「雖然佢唔係大美人，又唔屬於骨骼精奇嘅女人，但佢着呢條裙真係型格得嚟貴氣。原本呢條裙好成熟，不過條黑白皮帶同 two tone涼鞋，減少番女人味，處理得唔錯。」
GIORGIO ARMANI
蔡卓妍【條子加分】（ Good）
「墨綠色 tube dress本來好簡單，不過黑白條紋就將本身好沉嘅墨綠色凸顯出嚟，發揮到效果。略嫌佢髮型太過復古，如果梳 all back頭的話就更型格。」
何超儀【紫褲怪異】（ Good）
「淺綠色嘅外套好搶眼，佢都 carry到，不過佢真係襯錯條紫色褲，依家個感覺好怪。如果佢襯條貼身牛仔褲效果會好啲。」
徐濠縈【心思搭夠】（ Good）
「一般嚟講，全套綠色咁樣襯埋一齊，真係好難 carry，好似成棵樹咁。但佢用咗兩隻深淺唔同嘅綠色，加埋對綠色襪同淺色鞋，睇得出佢喺配襯方面好有心思。略嫌佢條頸鏈太大件，唔配飾物反而好啲！」
OH MY GOD
甘國亮【死氣沉沉】（ Bad）
「睇得出甘國亮好努力去營造潮流嘅效果，不過黃皮膚人着到成身軍綠色，真係好暗沉。而且佢着咗對綠襪，感覺不倫不類。」
古天樂【恤衫出事】（ Bad）
「佢膚色咁黑，襯到成身墨綠色，只會冇生氣。佢件外套本來想營造 sporty效果，但入面件恤衫完全錯咗，搞到依家斯文同 sporty兩邊都唔係。」
吳雨霏【灰裙累事】（ Bad）
「佢將件綠色皮褸就咁披住着，視覺上都冇乜問題。但嗰條灰色長裙真係好論盡，成為全個 look嘅負累。」
小心變青苔同樹
KENZO 
GUCCI 
形象指導郭慶彬（ Ricky Kwok），早前獲邀到巴黎時裝周欣賞大牌時裝騷，近年他更於銅鑼灣開舖，化身潮店老闆。
採訪、撰文：名人組
留言列表
