close


哎吔，大家咁熱情，人哋怕羞㗎！（設計對白）賈思樂有幾受歡迎？睇相就知嘞！女讀者連玩遊戲都掛住佢，攞住張性感內衣相問：「係咪呢張呀？」搞到佢有啲尷尬，又唔敢望，惟有答：「呢啲我唔知㗎喎！」呵呵， so cute！ 

媽咪姐

露雲娜女王出巡　賈思樂冧女無敵

媽咪姐幾時都話，有實力嘅，永遠都經得起時代考驗！好似啱啱過咗嘅母親節，《忽周》喺酒店搞咗個「摯愛媽媽豐盛美宴」，同讀者齊齊 happy。媽咪姐呢位資深 VIP讀者梗有去捧場啦！仲親身見識到特別嘉賓賈思樂同露雲娜嘅長青魔力㖭。

 

 


露雲娜即席獻唱那些年個個小朋友都識嘅《千年女王》主題曲〈傳說〉，兩個精靈小朋友即刻埋身要合照，識貨！ 

我呢個人肉攬枕正唔正先？（設計對白）唔好以為少女追韓星先會瘋狂！查實賈思樂嘅魅力一樣 super，你睇呢位粉紅衫女士箍得佢幾咁實。 

 


Woo，睇番當日場面，筵開幾十圍，真係非常熱鬧！唔少讀者仲行埋台邊狂影賈思樂同露雲娜。梗係，咁近距離睇星喎，唔影就笨！ 

話說呢對就嚟開演唱會（提提你，《忽周》送 70張靚飛俾讀者，記住揭去 P.46睇詳情呀！）嘅最佳拍檔，喺台上同大家玩遊戲時已經非常投入，跟住露雲娜落台唱經典卡通《千年女王》主題曲，帶起第一個高潮，全場跟住唱！不過，最犀利嘅，一定係賈思樂，佢唱歌好聽、講嘢生鬼唔在講，最最抵讚嘅係，佢真係逐枱走去同讀者握手合照，勤力到暈。有熱情女讀者直情忍唔住要攬攬，賈思樂亦來者不拒，仲 chok個 cute樣出嚟。嘩，咁敬業樂業，抵你長做長有啦！

芷珊姐姐好有 heart

 


除咗賈思樂同露雲娜呢對孖寶，芷珊姐姐（右二）亦係特別嘉賓。佢同司儀李麗蕊（右一）同阿 Ben（左一）好落力同讀者齊齊玩遊戲，勁 nice！ 

芷珊姐姐近年人氣急升，形象又好，現場好多婆婆爭住同佢合照。咁有長輩緣，第日嫁人都唔驚有婆媳問題啦。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄