close
打針過量出事
《女警》腫面妺：好多姐仔心郁整容
「變臉女」30歲前港姐陳思齊（前名陳凱怡），喺近日劇集《女警愛作戰》及《仁心解碼II》中，被觀眾發現她面腫鼻高判若兩人，現已還原靚靚的陳思齊說：「上年因擔任美容院代言人，所以接受透明質酸注射，第一次打效果好靚，好似鬼妹，嗰排喺街勁多人撩，仲有星探話要發掘我，之後打第2次就over咗，個樣勁腫，嗰時拍緊《神探哥倫布》及《女警愛作戰》，啲同事都勁好奇，祥仔（黎耀祥）及丹爺（劉丹）走嚟篤我個鼻，拍《女警》時天華（謝天華）問我個樣搞乜，我咪答整容囉，劇組好多女artiste都心郁，不過我唔會講你知邊個。」
對於面腫都要繼續開工，剛約滿打算外闖的她說：「啲通告之前都接落冇得推，咁我又唔係主角，咪照開工囉，我個樣點唔介意，唔好彈我演技就得啦！」
3月還原
陳思齊表示冇後悔整容，因為透明質酸已被身體吸收，成功還原靚靚。
打完一針後，因要接受雜誌採訪而打第 2針，搞到效果 over咗。《壹週刊》圖片
11年勁腫
剛出街的《女警愛作戰》，打完第2針的陳思齊塊面腫得恐怖，她仍面不改容照常拍劇。
拍《女警》時，陳思齊剛打完透明質酸，她爆劇中很多女星都有興趣，但她就不肯開名講。
全站熱搜
留言列表
