今年娛樂圈喜事特別多，陳慧琳誕下第二個兒子小龍包後，正積極收身，暫時專心在家照顧兩個兒子。而懷着巨B的楊千嬅，將於6月18日剖腹產子。羅敏莊也趕尾班車生龍B，昨日爆出已有兩個月身孕，而恨做媽咪的梁詠琪還在努力當中，她表示做完下月的台灣個唱，將會全力造人。
羅敏莊懷孕兩個月
龍年娛圈喜事又添一宗，羅敏莊（Mimi）09年與拍拖多年的陳國邦結婚，近日發現有了兩個多月身孕，趕做龍年媽咪。
「老公鍾意教小朋友」
據悉，現年37歲的Mimi近日發現作嘔作悶及月事遲遲未來，加上她近日忙於綵排明日和後日在灣仔伊館舉行的首次個唱「真．Sing．情」，令她一度以為因為緊張及壓力所致，加上腹部微微隆起，令Mimi以為自己正在「谷M」，於是欲進食龜苓膏清熱解毒，她的朋友獲悉後加以阻止，建議她先驗孕較為安全，結果Mimi發現有了兩個多月身孕。記者昨日致電Mimi求證懷孕消息，她未有否認，並說：「Rehearsal時有啲唔舒服，食嘢食得好唔定時，個胃成日囉囉攣咁，唔知係咪壓力大。」問Mimi是否渴望做媽咪時，她說：「我自己冇plan到生BB，一路以嚟想同老公過二人世界。如果有嘅話都OK嘅，因為我老公好鍾意教小朋友，所以有嘅話就畀佢教囉。」 Mimi明晚和後晚將開個唱，可擔心演出對胎兒構成影響？她未有正面回應，只說：「因為有啲唔舒服，個胃成日『鍊吓鍊吓』咁，又唔係胃痛，又成日肚餓，食好多嘢。」那麼可擔心演出受影響？她說：「我諗自己意志係好夠，但我希望體力好啲，因為成日好眼瞓好攰咁。」採訪、攝影：何慧斯
陳慧琳剛生完第二個兒子後，千嬅與羅敏莊都趕做龍年媽咪，而梁詠琪仍在努力造人。 設計圖片及對白
陳國邦09年與羅敏莊結婚，二人即將榮升爹哋媽咪。 資料圖片
羅敏莊（左二）日前與個唱司儀李志剛（左一）等，研究演唱會當晚播放的片段。
羅敏莊上月底在佐敦綵排個唱時，仍未知自己已懷孕。
千嬅：個仔成日踢我
楊千嬅現懷胎6個月，預產期為6月中，原本她是想順產，但因為她懷的胎兒好重和好大，為安全起見，醫生建議她剖腹產子，預計剖腹日期在6月16至18日之間，問千嬅是否找高人擇好吉日和吉時？她昨日在電話中說：「冇特別搵人擇日，只不過醫生話呢幾日最有機會作動，所以到差唔多嘅日子，我要隨時準備生啦，其實家心情好緊張同期待。」
由於胎兒越來越大，現時千嬅行幾步路都覺得很辛苦，她說：「如無必要，我都盡量唔出街，因為個胎好重，個仔又頑皮，成日踢我，所以都係乖乖哋喺屋企同樓下公園散吓步就算啦！不過今晚我會出席《春嬌與志明》慶功宴，因為部戲有好多宣傳我都做唔到，我都真係唔好意思。」
胎兒重兩磅多
《春》片大收旺場，昨日千嬅接受商台節目電話訪問，對於彭浩翔有意待她產後，找其囝囝開拍第三集一事，千嬅即說：「彭浩翔係講過吓，丁生當佢講笑，小朋友要以讀書為主，唔好冇咗童年。」千嬅透露胎兒重兩磅多，她說：「大肚至今重咗20幾磅，之前去做檢查，醫生話BB重兩磅幾，不過都係估計。」問千嬅生B後會否學陳慧琳般公佈喜訊？她說：「好難估計到，隨遇而安，都唔知生完個樣會點，我好貪靚，如果生完好烏歪就唔好啦。」採訪：譚倩宜
懷胎6個月的千嬅，笑言BB很頑皮，經常踢她。 資料圖片
千嬅與丁子高的兒子將於6月出生，兩人均很期待。
《春嬌》票房狂收，千嬅昨晚挺巨肚出席慶功宴。 微博圖片
梁詠琪：我都好想有
梁詠琪（GiGi）與西班牙籍老公Sergio去年結婚後，一直好努力造人，希望盡早建立三人世界，之前有報道指GiGi已懷孕兩個月，但她否認，日前本報記者又收到讀者報料，指上周五曾目睹GiGi在老公陪同下，在中環的衡怡大廈出現，該大廈有一位很出名的婦科醫生，GiGi是來看這名醫，看她行路很緩慢，估計她應是有身孕。
昨日記者向GiGi求證，她在電話中說：「我都好想有，但上個禮拜五我只係去做例行檢查，並唔係有咗，如果係有，我實話畀大家聽，等大家分享我呢份喜悅，下個月我仲要去台灣開演唱會，手頭上有咁多嘢要做，我諗等做完演唱會後，我會同Sergio一齊努力㗎啦，希望快啲有好消息公佈啦！媽咪叫我未有時，唔好成日提住呢啲事，最好等有先至講。」
珍惜二人世界
看到圈中好友陳慧琳和楊千嬅都有自己的孩子，GiGi不諱言恨做媽咪，但這些事情她都明白急不來，一切順其自然。不過她與老公已有心理準備迎接小朋友來臨，現階段未有身孕也不是壞事，因兩人結婚不夠一年，既然可以再過一段日子的二人世界，他們會很珍惜。採訪：葉雪
梁詠琪上周現身時被傳已成功懷孕，但原來中空寶。
自從GiGi老公Sergio調來港工作，兩夫妻都很努力造人。
Kelly：小龍包飲人奶
陳慧琳（Kelly）上月21日入院剖腹誕下次子「小龍包」劉琛，她日前已帶BB出院回家團聚，全家喜氣洋洋，升呢做哥哥的「蝦餃仔」劉昇非常體貼細佬，Kelly昨日在電話中說：「蝦餃仔好乖，佢見細佬成日瞓，蝦餃仔喺屋企保持安靜，畀細佬有覺好瞓。」
轉眼小龍包前日便出世十二朝，Kelly已準備好薑醋派親友，她又聽從長輩吩咐好好坐月進補，她說：「我有用薑水洗頭，我剛出院幾日食得清淡啲，方便餵人奶，過幾日就會開始進補。」為增加奶水，Kelly每天都會飲魚湯，今天剛兩周的小龍包體重已增到7磅。
「佢好鍾意冲凉」
Kelly在陪月幫手下，每天都替小龍包洗白白，她說：「佢好鍾意冲凉，不過BB實在太細，我一定要陪月幫手，暫時仲未可以一個人自己同BB冲凉。」Kelly也絕不偏心，也有為蝦餃仔冲凉，坐月期間雙手沒停過照顧兩子。當囝囝先後睡了，Kelly便會揀歌，為下月錄新廣東唱片做準備，她說：「我唔心急復出，但好多廣告商都開始搵我做嘢，我點都坐月唞夠先開工。」為讓親友分享小龍包出世喜悅，Kelly計劃待他本月19日滿月便向傳媒發放全家福，小龍包才正式曝光，同時美心早已替Kelly安排好滿月禮餅，屆時她會送給親友享用。採訪：比華利
Kelly上周一出院時，身形非常苗條。
鍾珍上周到醫院接小龍包出院，ＢＢ最愛睡覺。
留言列表
