一見佢就會師兄前師兄後，最近活躍於演戲的劉浩龍，仲多咗兩個朵，一個係《春嬌與志明》出鏡唔夠一分鐘即死的陳強，另外就係黃偉文填詞、口碑極佳的控訴新歌〈髒話阿七〉中的主角阿七，究竟現實生活中的劉浩龍，最想飾演哪誰呢？

師兄=紅歌不紅人
〈思覺失調〉、〈二等天使〉，大部分K迷一聽個名就會識唱，不過睇番派台成績卻未如理想，'04〈思覺失調〉瑯瑯上口，最有代表性的903都只係拎第8，劉浩龍曾經有諗過放棄歌唱，「踏足拍戲後，才知是我興趣。」口咁咬定，但內心始終愛唱歌，最近派台的〈髒話阿七〉，題材講香港人遇到挫折，「小」完發泄又再上路，近排政府局面咁亂，難怪口碑好好，「903最高派第二，好安慰。」一日唔上，一上YouTube睇網友對〈阿七〉評輪，師兄居然睇到喊，「有網友話我紅歌不紅人，有點唏噓之餘，其實很感動，至少我唱好了歌。」所以同公司講定，遇到好歌先去唱，「家都冇人會聽晒成隻碟，我跑步都係揀歌聽，歌中就得喇。」今年師兄話未必有碟出，歌迷好好珍惜。

陳強=想同HOCC咀
唔唱咁多，係因為近年愛上拍戲，更由真的會說髒話，訓練到非常純良，「當初拍戲一組戲間要等成幾粒鐘，真係會X出來，不過拍得多就知冇得急。」幾粒鐘都是值得，問師兄從演中最愛邊套戲，師兄一輪嘴係咁講，「《神鎗手》同《竊聽風雲2》都係做正義角色，反而《李小龍》入面我做反派，幾有挑戰性，不過最刺激係'10套《火龍》，在西環搞爆炸，啲碎石真係身邊飛過，好驚險……（下刪一百字）」無停過完全明白師兄好愛拍戲，「但我好想拍愛情戲，甚至唔介意拍除衫戲，有發揮means有戲交。」邊個做女主角先，緋聞JM？嘻嘻，「拍咀戲好尷尬㗎，搵好朋友演算啦，就何韻詩啦。」最近師兄常飛泰國，就係拍緊一套港產驚慄片，仲有柏豪做主角，大家到時要留意。

唔記得師兄演過乜？呢幾套記得喇啩！

阿七=第一次甩嘴
作為歌手兼藝人，師兄明白又演又唱，才是生存之道，不過自'08就無出過碟，點都要時間pick up，加上〈髒話阿七〉就是上年Wyman應承填畀師兄的生日禮物，冇壓力就係假，「年頭為now TV搞的《芒果群星COME芒音樂會》第一次唱〈阿七〉居然甩嘴，好肯定我唱了15年，都未試過。」返到屋企自我檢討，係因為已適應了「NG」生活，「拍戲唔得可以NG，但上台唱live就一定唔得。」調整心理，之後在《Concert YY》唱到拍爛觀眾手掌，直頭打了十支強心針，「畀到我好大信心，五月在藝術中心搞的迷你音樂會，一定會做到最好。」使唔使搵阿Y搞服裝先？「唔使，等我去紅館先啦！」做得師兄，梗係要有信心啦！ ####


《髒話阿七》MV 4月尾出街，MV由潮攝Wing Shya操刀，雖然未出街，但已得到作詞人兼藝術家小克幫手畫漫畫，題材不離講人口中常掛「小」。


驚慄片名都未定，不過師兄就話去泰國拍戲好啱嗜辣嘅佢，食到唔停口，返到服務式公寓，更自炒一碟泰式炒通菜食，樣好靚喎！


'08《神鎗手》演狙擊手「雪人」


'11《竊聽風雲2》演探員徐海


'12最近港台單元劇《火速救兵II》演消防員陸銘傑


《髒話阿七》MV由WingShya執導，在Wing的studio拍足一日，師兄造型就係過頭笠，咦，有啲似周董喎！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄