蜜照曝光10年後，唐唐終於公開與哥哥的拍拖照，眼神笑容都是絕配。《 MISS YOU MUCH LESLIE》記事簿
封面
哥哥死後斷交 10年 唐唐情敵 Kenneth後台泯恩仇
不經不覺，哥哥張國榮 03年愚人節給我們開的玩笑，一眨眼 10年。掛念他的人，除了一班各地「哥迷」，還有當年以未忘人身份、在喪禮上寫道「天長地久有時盡此愛綿綿無絕期摯愛唐鶴德輓」的唐唐。
週日（ 31日）哥哥的悼念音樂會上，摯愛唐唐和哥哥前助手 Kenneth（鄭賽龍）都有現身，但卻全晚避過鏡頭，據知二人竟在後台碰上， Kenneth當晚更戴住貴賓證自出自入。
當年有傳是唐唐情敵的 Kenneth，在哥哥離世後，與唐唐斷交 10年再在後台相逢。這 10年間，據知唐唐對哥哥仍甚「專一」，並冇另結新歡，反之肥了一個碼、人到中年的 Kenneth卻流連基網尋同好，更要投靠哥哥生前好友連炎輝，轉撈保險捱世界。
10年前的 4月 1日傍晚 6時 43分，哥哥張國榮在中環的文華酒店，從 24樓一間套房一躍而下，結束 46年的精采人生。最傷心的，肯定是摯愛唐鶴德。
'03喊到腳軟在哥哥的喪禮上，唐唐喊到需要 Kenneth扶住，才能勉強站得起來。《壹週刊》圖片 
'02絕版合照哥哥與唐唐到泰國出埠返港， Kenneth前往接機，成為史上第一張三人行合照。《蘋果日報》圖片
後台撞到正
週日（ 31日），哥哥生前經理人陳淑芬在紅館為哥哥舉行《繼續寵愛•十年》演唱會，當晚哥哥生前好友都紛紛出席，據知唐唐就和 Kenneth於後台碰個正着。「唐唐當時行過後台走廊，同 Kenneth迎面撞到，大家對望咗一下，都有打招呼傾咗幾句，佢哋冇聯絡成 10年啦！」
自從哥哥離世後，據知唐唐和 Kenneth幾近斷交，特別是唐唐，從不會特別提起 Kenneth，「雖然佢哋又冇話反面，不過唐唐呢十年都好少會提到 Kenneth，費事觸景傷情啦！呢段期間大家有咩要聯絡，主要都係靠哥哥生前司機（現仍由唐唐僱用）做傳話。」
唐唐亦公開了哥哥的親筆手稿。 
網上晒 pass曾經登堂入室哥哥加多利山寓所，今次十周年紀念演唱會， Kenneth一樣攞到 VIP後台證自由出入。 
31/3 11:22pm週日（ 31日）唐唐睇完《繼續寵愛．十年》哥哥悼念音樂會，與嘉賓閒聊幾句， 11點 22分在 4名保安掩護下離開紅館。
近年 Kenneth活躍同志網，更不忘剝衫晒肉，不過唔睇清楚以為王喜囉！ 
肥爆 Kenneth基網溝仔Kenneth資料任人睇，同唐唐相比，唔夠忠貞囉！ 
'13Miss You Much哥哥離世十年，唐唐一直為他堅貞，望住哥哥巨型雕像，唐唐流露溫柔眼神。
轉行撈保險
當年哥哥自殺的原因曾有多個版本，更傳出過與唐唐感情生變。事發後，唐唐曾站出來否認哥哥為情自殺，但自從 02年助手 Kenneth搬入加多利山，與哥哥和唐唐同一屋簷下，感情生變的傳聞已傳個不停。 02年哥哥在《異度空間》的首映禮上開腔講 Kenneth：「佢之前喺 Esprit度做 sales，我去攞衫認識佢，後來我個助手走咗就請佢幫手。」
沙田屋村仔出身、現年 33歲高六呎的 Kenneth，自從哥哥離世後不久便打回原形，雖然哥哥生前都有畀錢 Kenneth使，但不消 5年， Kenneth已使乾使淨。「 Kenneth不嬲都係蒲友，嗰時哥哥走咗，轉個頭佢已經繼續落 bar玩，邊有唐唐咁傷吖！嗰時佢工又唔正經返，冇份工做得長，結果俾佢玩咗幾年玩到山窮水盡，好在有連炎輝（哥哥生前老死、 AIA保險區域總監）出手帶佢入 AIA度做保險，做咗 5年叫做 ok，不過唔算係 top sales囉！」知情人士說。
已於 AIA做保險 5年的 Kenneth，近年發福不少，不過 Kenneth在保險界業績一般，內部培訓 Top Elites銜頭唔難攞，早排就接拍牛奶廣告（左）幫補一下。 
單身示忠貞
自 02年 Kenneth介入哥哥和唐唐之間，三人行的畫面不時出現，更有唐唐失寵之說。「初時唐唐有介意，不過哥哥嗰時抑鬱，情緒起落得好大、好快，唐唐為咗遷就哥哥就由得佢畀 Kenneth搬咗入嚟。隨住哥哥走咗，邊個係真心、邊個係貪新鮮，都唔使多講。」
哥哥離世十年，唐唐一直保持單身以表忠貞，偶有朋友會勸他「識番個人、搵番個伴」，但唐唐有感難面對榮迷，況且他確實未能放低哥哥，難怪唐唐早前接受訪問時直言：「隨着時光的流逝，傷口總算黏合起來，但仍是傷痕纍纍！」
情人知己 23年
哥哥逝世十周年，連串紀念活動再次勾起歌迷和市民懷念。不過，對摯愛唐鶴德而言， 3650天每天作伴的，都是思念和傷痛。外形俊俏，在電視電影裏的角色往往風流又多情，現實裏的哥哥其實用情專一，去世以前，已經與唐唐維持了將近 23年的情人知己關係。
唐唐的家底和來歷神秘，據外界所知他家人在美國，獨自一人在港生活，曾經在萬國寶通銀行及渣打銀行任投資顧問，後來辭退工作專心替哥哥理財。據悉，哥哥與唐唐相識於 80年， 94年哥哥就在訪問中透露與唐唐拍拖將近 15年：「十多年的愛情，已經轉化為感情，我覺得已經同佢結咗婚啦！」 97年哥哥首次當眾向唐唐獻唱〈月亮代表我的心〉更剖白心底話：「十幾年前在我最失意、經濟有困難嘅時候，呢位朋友將幾個月糧借畀我度過難關，寧願自己天天吃便宜的飯盒，唔講你哋都知，媽咪（契媽張玉麟夫人），係你個契仔唐先生。」
少了哥哥，唐唐近年閒時打波，或者搵朋友食飯吹水過日晨，都唔算寂寞。唐唐 09年以 4,500萬買入大潭水塘道一 2,200呎單位（小圖），現市值 8,000萬。可見唐唐投資眼光厲害。《壹週刊》圖片 
01年 9月哥哥和唐唐的世紀拖手，是明知有記者在場，刻意公開關係的。《忽然 1周》圖片
悼念騷狂搵銀
哥哥離世五周年時，前經理人陳淑芬已為哥哥搞過一次紀念演唱會，剛到十年陳淑芬當然不忘再次為哥哥搞演唱會。
今年陳淑芬邀得唐唐出席在銅鑼灣時代廣場舉行哥哥巨型雕像開幕，其後又請榮迷幫忙摺紙鶴達 200萬隻參加健力士世界紀錄大全。不過一輪大龍鳳的背後，點會冇商業因素？在場有售《繼續寵愛•十年》紀念品， 12吋哥哥公仔賣$1,680， tee和紙鶴襟針由$280至$350不等，而輯錄唐唐首肯借出珍貴合照的記事簿亦由$249到$328一本。
不買紀念品亦可在週日（ 31日）參加《繼續寵愛•十年》演唱會，門票由$280至$680，週一（ 1日）亦有另一場紀念晚會，冇歌星唱歌，只有哥哥好友作分享，入場費每位$200，連日本也有三十多間戲院直播音樂會，位位收 3,500円（ 280港元）。單計週日晚的音樂會票房收入，現場近 9,000位滿座，已收近 400萬，再加埋其他售賣的紀念品，和媒體轉播權，收入更和味。其實由哥哥死後，經陳淑芬主辦的悼念活動，只有 05年售賣哥哥的紀念碟和 06年的音樂會，對外宣稱會將收益撥捐紅十字會和兒童癌病基金，其餘亦冇詳細公布。
對於各大紀念品和活動的收益，陳淑芬兒子陳家豪週一（ 1日）對本刊說：「𠵱家都未計數，點知有幾多呀？（咁係捐畀慈善機構定點？）呢啲我唔清楚，你要問番我阿媽！」而本刊至截稿前亦未能聯絡上陳淑芬。看來紀念背後，陳淑芬尚欠哥迷一句交代。
偉仔最 touching當時我喺電話度留咗一句說話，我話：不如我哋由頭嚟過吖。演唱會上梁朝偉一首歌都冇唱，只有短短幾句說話，但都是榮迷心裏的話。 
梁朝偉於哥哥死後打過一次電話畀佢，更在電話中留言，大家聽到哥哥遺聲，呢 part勁 touching！ 
有讚有彈全晚有十幾位歌手到場支持，雖然大家都係翻唱哥哥嘅歌，不過反應好壞參半。
哥哥生前經理人陳淑芬和兒子陳家豪為演唱會仆心仆命，真係唔話得。 
台前設有 18圍枱，都係畀哥哥生前好友於近距離欣賞演唱會，不過全晚得一支水咁大把！《蘋果日報》圖片
榮迷必搶
限量版紀念品於第一日發售就賣完，其中呢 2本記事簿更印有唐唐和哥哥嘅親密合照，極具收藏價值！
好襟計
31/3音樂會（ 9,000位）
$680
$380
$280
1/4分享會（ 9,000位）
$200
2天收近 600萬
娥姐最驚喜
週日（ 31日）舉行嘅《繼續寵愛張國榮》，令 facebook洗版，除咗歌神壓軸外，梁朝偉嘅隔空對話及娥姐獻唱，成為網友至愛，不過有啲表演就唔係太令網友受落。好似太極玩嘅 medley就唱錯晒歌詞。
當晚有 18圍嘉賓坐喺 VIP席，不過大會鏡頭只係成日影住蘇施黄一席。 
太極表演哥哥嘅快歌 medley，但主音雷有暉竟然成日唱錯歌詞。 
據本刊的 fb專頁內民調顯示，除梁朝偉嗰 part，網友最 buy娥姐唱嘅〈儂本多情〉。
爆哥哥胎死自導片結局「要似戴妃咁轟烈！」
《繼續寵愛•十年》的演唱會尾聲，大會安排一張導演凳從台中升起，眾人皆知，哥哥的最後遺願，是執導一部電影。
本刊得悉，早於 99年，哥哥已有兩份劇本在手準備開拍，可是卻找不到投資者。
99年哥哥和 5位參加編劇比賽的創作人，相約在洲際酒店（前名麗晶酒店）傾劇本，據當年有份出席的與會者向本刊透露，當時哥哥一臉認真，胸有成竹地對一班寫手說：「我已經有兩個劇本喺手，其中一個係改編自一個北京傷殘劍擊運動員嘅真人真事，我自己會飾演番嗰個運動員，講佢一路比賽嘅生涯。而另一份劇本係講兩個天王巨星發展嘅地下情，最後我哋會俾成班狗仔隊跟，而我就俾佢哋迫到我走咗上天台。你哋估吓個結局會係點？最後我會跳落去，因為死都要死得好似戴妃咁轟烈！男主角我自己做番，女主角會搵阿梅（梅艷芳），經理人嘅角色我打算搵黃秋生，仲會搵埋謝霆鋒做佢個仔。」
據知哥哥由 99年至臨終前，不斷透過圈中好友如施南生、爾冬陞和褟嘉珍等幫忙，可惜一直找不到投資者，而兩份沒有發生的劇本，永遠也不會實現，但與現實中哥哥選擇輕生的結局，卻不幸言中。
孖住食孖條過往唐唐同哥哥的珍貴回憶，唐唐事隔十年已不避嫌與榮迷大方分享。《 MISS YOU MUCH LESLIE》記事簿 
最強拍檔梅艷芳和哥哥絕對係熒幕天王天后，如果當年拍得成，肯定賣個滿堂紅，可惜兩人已歸天。路透社圖片 
病住接拍哥哥最後遺作係拍住林嘉欣的《異度空間》，曾有傳哥哥因抽離唔到以致抑鬱，但實情係接拍該片前哥哥已因胃酸倒流影響心情，最終陷入抑鬱症。
所有哥哥好友都知佢想做導演，所以在演唱會最後，大會安排一張導演凳畀哥哥過吓導演癮。 
十年後唐唐以蘇軾《江城子》去懷念哥哥，每次都感受到唐唐對哥哥嘅思念有幾強。 
哥哥生前曾得施南生幫手， 99年得到 2部劇本，可惜最終找不到投資者而令哥哥含恨而終。《蘋果日報》圖片
劇本原安排黄秋生和謝霆鋒都參演一角，可惜最終部戲開唔成。 
採訪、撰文：娛樂組
攝影：攝影組
留言列表
