身手不凡的阿之自爆：「雖然好鍾意打筋斗，以前住 hall所以得閒都會去啲冇人嘅 common room練習，人哋見到我跌親，做得唔好就以為我玩命！𠵱家 Poly啲人都見慣不怪！」
Main Camp
帶起理大筋斗潮 準工程師變演嘢王
無綫綜藝節目《演嘢》，所謂絕技原來只係花式調酒、大胃王、心算神童之例，冇新意睇到打喊露！
理大亦有學生身懷絕技，就讀理大運輸系統工程系 Yr. 3的曾逸之，人稱斗王阿之，在理大無人不識，除了上堂或溫書到悶悶哋，會出圖書館外打筋斗提神，平日就算連打 30個側手翻亦當食生菜。「人哋飲咖啡提神，我就打筋斗，同學都睇慣晒！」
除了校內出名，難得是阿之將筋斗文化帶入理大，上月的大專聯校舞蹈邀請賽，他亦擔大旗負責高難度動作表演，教其他舞蹈員打筋斗，理大因此成為該賽三年冠，難怪朋友一見他就笑言：「喂！打個筋斗睇吓先啦！」
打筋斗犧牲女友
J.C.多 NG阿之（左一）前年有份參與《熱浪求愛戰》，「個個演員都好肯捱，不過我較為欣賞 Jessica C.，夜晚六點不斷打拳打到第日一點，不停 NG都無怨言，再攰都係飲吓水聽吓歌，唔係個個女仔頂得順！」 
箍女神第一次拍戲就能同女神周秀娜有對手戲兼箍住對方，「同到娜姐拍戲好開心，不過我冇話畀啲朋友知我有得箍住佢，費事佢哋葡萄啦！」
同學見慣有「筋斗王」之稱的阿之是 Poly紅人，筋斗了得之餘又是 danso成員，拍攝期間，有阿之相熟同學經過都笑笑口說：「嘩，又係你呀！又做訪問呀？」同學都見慣不怪！ 
拍攝當日適逢下雨，但經驗豐富的阿之卻一句：「得！冇問題！」儘管地面濕滑，阿之輕易就跳出一個 flash kick動作，「練得多就有信心做㗎喇！」
爸爸詐型
阿之（右三）有份參與今年大專舞蹈賽，其中加插了筋斗動作的反國教舞蹈，在 YouTube吸引超過 20萬人點擊。 
全身傷雖然打筋斗只是兼職，但阿之為打筋斗打到五癆七傷，每隔兩個月便要針灸和拔罐，調理身體，「以前住 hall，同房知我拔完罐仲唔畀我喺房除衫，佢話咪嚇親佢喎！」
教院仔潮玩極限抱石
不少中學新興玩攀石，而近年美國更流行 X-game抱石運動亦入侵香港，玩家只需在室內抱石場，在毫無安全帶的情況下，任意在牆上攀爬，無論體力及技巧都比一般攀石大得多。
一班教育學院體育系同學亦希望將抱石帶入校園，體育系 Yr.4 Steven（小圖）說：「由於香港地少，所以抱石好快興起，好似觀塘、美孚等工業大廈已經開咗抱石場，抱石唔似得攀石只係不斷向上爬，玩家可以向任何方向攀爬，並可以作出跳躍及花式動作，雖然冇安全帶，其實好安全，因為每位玩家玩前必須學「跌」，而且場地有厚墊及工作人員睇實，女仔同 12歲以上小朋友都玩得。
Steven及一眾同好打算帶入教院搞抱石學會，但學校仍未了解暫時不贊成，「我哋會繼續游說校方，畀佢哋知道好安全，希望可以搞得成。」
留言列表
