去完記者會，據知 Kay即刻去咗新店區「彩蝶別墅」睇樓，仲打算一炮過在當地置業。《蘋果日報》圖片
真面目
寶島別墅 泊大碼頭 謝安琪擸 300萬台灣買 house
同環球解約之後，謝安琪 Kay即與無綫友好的星煥國際合作，成功跟 TVB破冰、仲上埋《勁歌金曲》做頒獎禮表演，踏出翻生第一步！
眼見何韻詩、薛凱琪攻入強國前，都曾先到台灣出碟， Kay最近亦攻台，台灣金牌大風願意出價 300萬。為再出國語碟， Kay上星期除了舉行加盟記者會外，據知她更在當地彩蝶別墅睇樓，準備一炮過買 house長期抗戰！
10年， Kay已推出國語唱片《第二個家》，事隔 2年，雖然 Kay簽約星煥，但原來只限廣東歌的發行版權，而 Kay亦早有部署，上星期在台灣宣布同台灣金牌大風簽約，即場播全新國語歌。知情人士說︰「大家都以為佢會先出廣東歌，但原來一早有晒 plan兩邊發展，喺記者會仲話要紮根台灣。」
近年星煥不停簽歌手，鍾嘉欣之後，再簽江若琳和 Kay，但大多都不是親生仔，最賺錢亦只有許廷鏗一個；睇中 Kay除了有賣碟保證，更可以開騷走埠登台搵真銀，據知 Kay除會狂谷國語碟外，這個月亦會派全新廣東歌上台。星煥的揸弗人何哲圖亦話︰「我哋會盡快派廣東歌，咁難得有台灣唱片公司肯簽香港歌手，好少有㗎喇！」
「彩蝶別墅」每棟有 3層，屋內有 3房 2廳 3廁，記者在 Kay的 Instagram亦發現她寫上「 Dream House」，但價值只需 300多萬！ 
頂樓的主人房仲有個大露台！睇嚟 Kay好似好滿意咁喎！
10年，「金牌大風」大老闆鄭東漢宣布退休，將公司股權賣掉。原來，當年接手的龐維仁只是一個代理人角色，真正買下這家公司的其實是一名意大利富商，其女兒齊雅萊(右二)𠵱家先係話事人，亦有出席 Kay的簽約記者會，非常畀面。《蘋果日報》圖片 
一早有鋪排的 Kay，上年已拍好一套同國語主打歌同名的微電影《 I Have A Dream》， 4月開始到各地宣傳。
新屋環境好
雖然話廣東歌準備就緒，但要攻打台灣唔係易事，據知 Kay亦有長期抗戰打算，呢頭在台灣開記者會，轉頭便決定在當地置業，上星期更順便到新北市新店區安祥路的「彩蝶別墅」睇樓， Kay仲馬上拍照上載到 Instagram跟朋友分享，而 Kay睇中的 3層別墅，面積約 1,800呎，都只是賣 300多萬港幣，而別墅雖然離市區較遠，但附近有植物公園，即使張繼聰帶埋張瞻住都冇問題。
本週一 Kay的經理人夏森美說︰「只可以講彩蝶別墅係 Kay嘅 dream house，而今年 Kay會全力發展大中華市場，我哋同台灣、香港兩間公司都溝通得好好！」
星煥歌手眾多，大部分都跟無綫有關係，樂曈唔出碟都一劇接一劇，許廷鏗就係新晉賣碟王，一姐地位只係 Kay同鍾嘉欣之爭。 
力撼薛凱琪Kay 2年冇去《勁歌金曲》頒獎禮，雖然上年冇得爭獎，但亦安排同薛凱琪表演，為今年頒獎禮預演「爭崩頭」。《蘋果日報》圖片 
上月廣州舉行的《第九屆勁歌王金曲金榜全球華人頒獎音樂盛典》， Kay揮低千嬅奪得「最受歡迎女歌手」獎，不過賽前傳出公司幕後造票爭獎。《蘋果日報》圖片
破冰出力去年 10月，星煥國際 3周年，同時宣布 Kay加盟做一姐， Herman喺極短時間幫佢同無綫破冰，安排 Kay上「香港小姐」、「星光熠熠耀保良」等大騷。 
彩蝶別墅雖然冇海景，但附近綠化地帶多，啱晒住開大埔郊區的張氏一家。
老公靠無綫
出道以來講到明熱愛音樂嘅張繼聰，結果都要面對現實，繼早前套《老表•你好嘢！》成功入屋後，張繼聰即刻可以再拍另一套《食為奴》，遊戲節目《演嘢》又搵佢主持，曝光率同收入，比起做歌手仲多。
《蘋果日報》圖片 
張繼聰成功入屋，有機會主持節目，但節目《演嘢》被網民大踩無聊！ 
在新劇《食為奴》戲分唔少，難怪張繼聰肯剃頭上陣。《蘋果日報》圖片
採訪、撰文︰娛樂組
攝影︰攝影組
留言列表
