close
媽咪姐
靚太晒你冷
Ball場名人每次出動都上足彈，行頭十足。好似上個禮拜五（ 12日），唔少名太齊集珠寶活動，個個出動私伙嘅幾十卡鑽錶、罕有嘅彩藍寶，閃到眼都花埋，媽咪姐要戴番副超先掂！
鄧宣宏雁十卡鑽戒
太子珠寶鐘錶老闆娘鄧宣宏雁戴上公司嘅彩藍寶手鈪、老公送嘅十卡巨鑽戒見人，粒石成個一毫子咁大，好火到不得了。「珠寶多數係先生喺特別日子送，我好少買。」嘩，好晒呀！
Deborah Hung一豹萬金
Dreamodels老闆娘 Deborah唔單止惹火身材搶鏡，雙手嘅鑽戒亦好鬼誇，除咗卡地亞鑽石豹戒指夠矜貴，方形巨鑽亦價值不菲，單計一隻戒指，都可以買層樓囉。
蔡李惠莉百萬鑽錶
玩具大王蔡志明太太蔡李惠莉係卡地亞擁躉，當日出動百萬鑽石錶，閃到時間都難睇。「隻錶係蔡生送，佢話見到鍾意就買俾我。」 Well，真係好似買棵菜咁易！
全站熱搜
留言列表
