依家唔搏等幾時！（設計對白）打咗針上台嘅吳國敬，表現戮力，同劉以達、 Joey Tang唱到 high晒。 

媽咪姐

吳國敬打針搏一鋪

吳國敬上星期五（ 12日）同 Joey Tang（鄧健明）開 show，一連兩場，有 Big Four、衞蘭、太極同好耐無見嘅何婉盈做嘉賓。媽咪姐睇 show前入咗後台，見阿敬好 happy吓！

 

不過佢原來有胃酸倒流，加上早幾日去志偉生日會後感冒，綵排嗰時都出唔到聲，所以臨開 show「嗱嗱聲」去咗打類固醇針。其實身邊嘅人都有勸佢唔好打，因為打類固醇有一定風險，試過有人打完之後骨枯，嚴重仲會傷殘。但阿敬就好堅持，仲每場打一針。阿敬嘅女友 Elaine喺台下睇時，就非常緊張，之不過媽咪姐收到風，演唱會主辦商已經同阿敬、 Joey傾緊開 part 2，呢鋪都算搏得抵！


女友錫番阿敬嘅多年圈外女友 Elaine全程跟足，仲喺後台錫錫， sweet到爆！ 

原來何婉盈係 Joey嘅多年女神，今次可以拖住手唱歌，男方開心到面紅紅，怕怕醜醜咁。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄