就咁算數！（真實對白）

三十一歲Mango王秀琳入行以來，收穫是一籮緋聞，經典力作包括天王郭富城，近年她變得修心養性，一條心對從事金融業男友唐堂（Donald），甚至會做跟得女友，陪對方飛台灣開會。拍拖兩年，Mango以為實無走雞，直至月初Donald被踢爆撻着二十九歲台灣名模白歆惠，才知男友借開會為名，實質攬住第二個去阿里山睇日出。

撻着半年
Mango的台灣籍男友Donald，在香港D.E Shaw任職投資顧問，月薪超過十萬，現以二萬多租住大角咀的君滙港。曾有報導指Donald出身富二代，在台灣開設「唐氏兄弟娛樂公司」，來港純粹打風流工，但據知Donald只係小股東，公司業務範圍也以為二、三線歌手鋪路搞騷為主，唔算大茶飯。孭住娛樂公司老闆牌頭，Donald跟圈中人混得頗熟。據了解，年多前他由朋友介紹認識白歆惠，二人在半年前正式撻着，不過花心Donald未有跟正印Mango即時斬纜，實行一腳踏兩船，還不時香港、台灣兩邊飛。

 

大話男友
「身邊朋友都知Donald搭上白歆惠，但冇人敢同Mango講，Donald同白歆惠去阿里山嗰日（四月四日）係假期，Mango都有嚟台灣探朋友，兩個人仲諗住做完嘢一齊去玩，點知Donald話要開會走咗去。呢半年Donald幾乎每個weekend都話要返台灣開會，Mango亦從來冇懷疑過，爆出白歆惠單嘢之前，佢哋仲係好好，所以Mango都好shock，睇八卦雜誌先知男友去咗偷食。」Mango身邊人透露。東窗事發，新歡白歆惠出面力撐Donald唔係花心男，又傳出Donald跟Mango分手多時，只係女方死纏不願罷休，白歆惠試圖盡力掩飾小三污名。「其實身邊朋友都唔睇好佢哋呢一對，因為好多時見到佢男友出去蒲，有女埋身都來者不拒。加上呢半年Donald成日無理取鬧，借啲意發脾氣同佢鬧大交，但每次又會氹番Mango，兩個好快冇事。」

憔悴返港
白歆惠介入，身在台灣的Mango一直由朋友陪伴，直至週日（十五日）返港。晚上十點，冇化妝戴上墨鏡的她，推着行李步出入境大堂，記者上前追問感情危機一事，她左避右避，最終亦肯停低回應。壹：你幾時知Donald同白歆惠一齊？ M：雜誌登出嚟先知呢件事……佢同我講去開會。壹：Donald有冇同你解釋？ M：唔需要啦，成件事咁明顯，大家就咁算數。壹：你哋仲有冇聯絡？ M：唔好再喺我面前提呢個人，我唔想再講佢。壹：嬲唔嬲第三者？ M：佢（指白歆惠）都俾第三者傷害過，佢應該知道好難受。

餵迷湯
白歆惠年初自稱因第三者介入，斬情絲結束跟籃球員男友毛加恩的七年情，有指受情傷的她激瘦見骨，但其實在同一時間，卻靜雞雞搭上Mango男友Donald。 4月3日清晨，二人被發現混在開往阿里山欣賞日出的火車廂內，白歆惠不時主動靠向Donald，上到山頂，她更使出溫柔招，拿出熱湯親自餵男友飲。數日後，唔夠喉的Donald再瞞住Mango到白歆惠香閨過夜。

知道太遲
拍拖相處建基於信任，另一半偷食出事，小三身份曝光，正印總是最後一個知道。

欣宜
肥姐病逝後，欣宜跟鬼佬男友Mark一直互相扶持，直至欣宜被踢爆與韓籍肌肉男拍ＭＶ撻着，在中環high tea撐枱腳數日後，欣宜在電台宣布跟Mark和平分手，不過強調冇第三者介入。

廖碧兒
廖碧兒前年被踢爆瞞住前度暗交李澤楷表弟林忠豪，更被拍到在對方淺水灣豪宅過夜，拍拖六年的陳豪，自言一直被蒙在鼓裡，女友偷食事件曝光後，無奈斬纜。 ####


我唔係小三。（設計對白）


Mango跟Donald拍拖兩年，二人不時著街坊裝在跑馬地行街買日用品。（《蘋果日報》圖片）


4月3日清晨，白歆惠跟Donald到阿里山睇日出，在山頂一角，白歆惠更親手餵男友飲熱湯保暖。


白歆惠曾經跟黃曉明傳過緋聞，被拍到食飯撐枱腳，不過二人例牌否認。


Donald（左四）鍾意周圍玩，二人去年就約埋一班朋友到大阪環球片場。


踢爆男友一腳踏兩船，白歆惠日前在台灣出席活動，即力撐男友唔花心。


近年幾乎全身退出娛樂圈的Mango，一月時仍有出席公開活動騷身材。


Donald細佬唐正（箭嘴），原來也愛娛樂圈人，10年被拍到他跟廖碧兒出海夜遊。之後又傳出他與林建岳女兒林心兒（圓圖）拍拖。（《FACE》圖片）


被指經人工化的白歆惠，網上一直流傳她初出道時，由闊臉變瓜子臉的相片。


10年，Mango跟郭富城傳出緋聞，郭富城用戰車送她返跑馬地屋企。


4月8日，Donald到白歆惠屋企過夜。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄