close
句句金
句句金
早前黃秋生、杜汶澤因「低俗係香港核心價值論」引起罵戰。日前金獎像頒獎禮兩人「狹路相逢」，頒獎嘉賓嘅黃秋生喺台上攞住一大疊講稿，揚言準備鬧阿澤。不過一切都係開玩笑，最後秋生只係講咗句：
杜汶澤，下刪三千字，共勉之！
下刪嗰三千字，有冇包含 XO#!?呢啲低俗成分㗎？點都好，秋生主動和解，果然有前輩風範！
阿澤坦言能夠同秋生共勉之，係好大嘅榮幸，並同樣用三個字回應秋生：
點敢呀！
唏，一人一步大事化小咪好囉！秋生遲啲加盟英皇，同一屋簷下，兩個人齊心拍啲好戲俾大家睇仲好啦。
Sammi雖落敗影后，但獲男友許志安大讚靚女，甜在心頭。事後 Sammi亦補充：
彼此相處最重要，對一世唔係對個樣。
簡單一句啦，情人眼裏出西施，講完。
Yumiko（鄭希怡）將於 11月結婚，早前佢出席活動，表示婚後先會生 BB，並笑言：
我粒卵仲好靚，不過依家當男友
係家禽，唔好接觸住。
家禽依家好危險喎！ Yumiko何止唔好接觸，更應該踢男友出家門，以防萬一。
𡃁模 Naomi（馮鎵瀠）早前旅行發生意外，被問到有冇爆胸？佢竟拉埋 Cammi（謝芷蕙）落水，
好彩我係自身脂肪，唔係矽袋，唔似得 C字頭嗰個。
你又知人哋嗰個係矽袋？就算係，關你鬼事咩？踩低人哋抬高自己莫非會令你矜貴啲？
全站熱搜
留言列表
