有演技有身材，楊冪上位成為國產四小花旦當然有原因，但要超越李冰冰、范冰冰、趙薇、周迅國產四大花旦，或者四大超旦徐靜蕾、高圓圓、霍思燕和秦海璐，仲有大段距離！

楊冪身為最紅國產四小花旦（王珞丹、黃聖依、劉亦菲），已經夠料踩嚟香港搵食，除咗賀歲片《八星抱囍》，仲有新作《春嬌與志明》。片酬數字高見300萬人民幣，早排楊冪講到明，要向前輩范冰冰好好學習：「她（范冰冰）的穿衣，她的演技都是我很佩服的，我會努力向她看齊！」


26歲未夠，楊冪目標明確，不過就有些少過咗火位，事關佢連著衫品味造型都照抄范冰冰，最終俾人笑做「山寨冰」，搞到已經响國際市場有知名度、被封為「國際范」嘅粉絲團隊相當不滿，覺得楊冪咁做，等同侵犯佢哋嘅女神。抄到十足十，連外國傳媒都搞錯。响舊年米蘭時裝周，兩位花旦獲安排睇騷，美國一個時裝網站，影咗楊冪張相放上官方網站，但旁邊注解就寫上「Fan Bingbing」！論國際知名度，范冰冰的確技勝一籌，楊冪想爬頭，浸多兩年「衫字經」先啦！


「國際范」粉絲搜羅多張證據，證明楊冪由髮型、造型以至影相擺甫士嘅動作，都照炒范冰冰，真係水洗都唔清。 ####


去年楊冪扮靚靚現身米蘭睇Fendi花生騷，被外國網站認錯佢係范冰冰（箭嘴），撞鬼！


呢幾年不斷現身國際影展同時裝展，范冰冰用飛行里數換取「國際范」花朵，時裝雜誌《GRAZIA》，更指范冰冰係近年國產潮人icon。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄