上流滙
大鏈晒
周汶錡
「我好鍾意戴頸鏈，呢季好多大件嘅頸鏈我都好鍾意，好似 Tom Binns, Shourouk呢啲牌子。戴住咁大條頸鏈，其實簡單襯件 tee、恤衫或者連身裙已經好好睇。」
周秀娜
「我會揀啲特別嘅鏈去重要場合，呢條手製嘅金色鏈感覺高貴啲。我仲特登將條鏈上面嘅巴黎鐵塔反轉戴，咁樣有啲 vintage feel。」
熊黛林
「我一向都好鍾意金屬造嘅鏈，清得嚟又好有型，今季都買咗唔少。金色可以用嚟襯黑色衫，或者一條淨色連身裙都好大方。」
李玟
「近排買咗唔少粗頸鏈，都係以金色為主。我覺得晚裝唔一定襯珠寶，襯呢類型格款式，又有另一個味道。不過呢條頸鏈因為由唔同長方形組成，仲鑲咗好多釘，所以戴就要小心啲。」
琦琦
「我覺得粗線條嘅頸鏈好襯我，襯晚裝或者 casual wear都得，又 fashion又有型。好似我依家一次過戴住兩條，都唔覺得累贅。」
金屬之外
徐濠縈
潮媽徐濠縈近期愛以大頸鏈示人，將其玩到出神入化，不過這條朱義盛索價 3萬至 5萬，價錢嚇人。
李桂蘭
「今季有好多 chunky嘅 accessories，我會用嚟襯淨色衫，可以點綴一下。不過最緊要夠輕身，我條頸負荷唔到太重嘅飾物。呢個法國牌子出名設計彩石頸鏈，即使彩石好多，但都好輕身。」
粗鏈襯大圓領
春夏的飾物特別多，今季愛鬥大以浮誇行先。 Ricky指︰「上幾季興完簡單乾淨嘅飾物，今季就玩懷舊。好多大牌都推出 chunky款式，好似 Givenchy嘅金屬型格款都好出色。」
「大件飾物最好襯淨色、螢光色，簡單舒服。粗鏈最好襯大圓領上衣，切忌將兩件飾物同時放上身，例如粗鏈就唔好再戴大耳環。頸長嘅女士戴大鏈的話可以襯 off shoulder，平衡番個比例，而頸短就要揀 V領，見多啲肉，令視覺修長啲。」
星級形象指導郭慶彬（ Ricky Kwok），早前獲邀到巴黎時裝周欣賞 Chanel、 Valentino等大牌 fashion show。近年他由形象指導變身為潮店老闆，於銅鑼灣開設時裝店。
留言列表
