戴住情侶超，蕭亞軒、柯震東去國父紀念館散步拍拖斷正，見到相機兩個都呆一呆。

蕭亞軒同柯震東相差12年嘅「東亞姊弟戀」開始明朗化，上個禮拜兩個公然到國父紀念館嘅翠湖畔，曬太陽行公園散步。蕭亞軒出晒名日上三竿先會起床開工，至於柯震東同係夜場蒲場常客，兩位夜鬼晏晝四點幾行公園睇花花草草，仲要有太陽，確實匪夷所思。


不過最估你唔到係有關蕭亞軒另一單緋聞，話說台灣一名二打六演員黃子齊，最近同記者自爆去年10月經朋友認識蕭天后，之後兩人熱戀發展地下情，但最終被柯震東橫刀奪愛，令佢好傷心。熟識蕭天后嘅人都知道，佢份人只會鍾意靚仔，過去緋聞名單王陽明、李安卓、周湯豪全部係圈中極品男，呢個黃子齊，點睇都冇可能，連蕭亞軒都忍唔住話：「現在人想紅想瘋了，好扯，超誇張。」唔係事實，立即澄清，但佢到而家都冇否認同柯震東拍拖，即係有啲嘢啦！ ####


柯震東隻手有所動作，似乎想拖蕭亞軒，但同一時間俾佢發現有人影相，即刻縮手，反而蕭亞軒傻吓傻吓，想捉實小男友手臂。


呢位就係黃子齊，傳說中嘅蕭亞軒前度男友，真係講都冇人信。


兩位夜鬼，早排前後腳一齊夜蒲，蕭亞軒同好姊妹楊謹華孖住走，柯震東（上圖箭嘴）遲成個鐘先出門口，盡量掩人耳目。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄