舉咗第 4次喇!有啲攰㖭!(設計對白)家輝喺台上話要多謝兩個女支持,猛帶同學仔去睇《寒戰》。至於太太江嘉年,佢就話返屋企會用特別嘅方式多謝,好鬼神秘! 

媽咪姐

金像獎大熱贏晒 梁家輝風騷 VS鄭中基硬軚

上周六( 13日),媽咪姐好難得坐定定喺電視機前,睇咗幾個鐘,為嘅咪係第 32屆香港電影金像獎頒獎禮囉!當晚頒發 21個獎項,結果由上年港產片票房冠軍《寒戰》成為大贏家,掃走最佳電影、導演、編劇、新演員及男主角等 9個大獎,平咗香港金像獎史上嘅最高紀錄。

 

喺「家輝之戰」,梁家輝就憑《寒戰》入面嘅型爆阿 Sir角色擊敗勁敵張家輝,成為最佳男主角!估唔到嘅係梁家輝已經第四次攞影帝,但當晚表現依然咁激動,甚至激過以前。喺慶功宴上,佢仲話就算攞咗影帝,再拍港產片都唔會加片酬㖭。贏咗最佳導演嘅梁樂民、陸劍青亦透露好快會原班人馬拍《寒戰 2》!咁媽咪姐想知下集會唔會加郭富城戲份,等佢唔使好似今次咁,只可以戥人開心,成晚扁晒嘴囉。


唔制呀!幾時到我呀!(設計對白)頒獎禮尾聲,一班演員上晒台。企喺拍檔梁家輝隔籬嘅城城扁晒嘴,唔多高興。 

Ronald將自己同梁家輝喺後台嘅靚仔合照擺上微博,仲話家輝係佢心目中「永遠嘅最佳男演員」㖭。 

 

講開又講,另一個媽咪姐好 like嘅演員鄭中基( Ronald)亦攞咗最佳男配角!仲由前度情人楊千嬅頒獎俾佢,兩個喺台上表現相當客氣,只作遠距離握手,連擁抱都欠奉!咁又係,大家都各有幸福家庭,而且又有老婆余思敏監場。不過眼見以無賴形象深入民心嘅 Ronald,今次憑《低俗喜劇》暴龍哥一角為自己爭番啖氣,確係浪子回頭金不換!


行紅地氈嗰時, Ronald拖住老婆余思敏,非常 happy!睇真啲,女方手袋同男方皮鞋係一 set㗎!真寃氣。 

鄭中基同楊千嬅一段情糾纏多年,最終各走各路。今次喺台上重遇,千嬅笑得誇, Ronald面容緊,有啲尷尬囉。

arrow
arrow
    全站熱搜

    tvb4life 發表在 痞客邦 留言(0) 人氣()