讚導演反串靚過樂仔王馨平最冧45°彭浩翔
彭浩翔導演的首部合拍電影《春嬌與志明》內地票房衝破7千萬，香港票房截至前日為止亦達2,602萬，導演遵守早前的承諾粉墨登場反串惡搞王韾平的《別問我是誰》MV，拍攝當日王馨平到場探班，大讚導演的反串look靚過余文樂，彭浩翔又以45°的靚樣冧爆全場。
早前導演彭浩翔承諾假如電影《春嬌與志明》在香港能夠突破2千萬票房，他便會粉墨登場，重拍片尾原本由余文樂反串惡搞的MV《別問我是誰》，然後在香港戲院內播放，成為另類的別注版。
禁喧嘩影響情緒
彭浩翔信守承諾日前就在柴灣一影樓進行拍攝工作，還找來原唱的王韾平助陣指導。彭浩翔單是化了一個濃妝及穿上黑寡婦套裙，已經充滿喜劇效果，更抵死的是導演還跟身後的工作人員笑說：「喂！後面班人傾偈靜少少，拍緊情歌MV呀，你咪影響到演員情緒。」到中段時已經豁出去的彭浩翔跟攝影師在片場內到處捉幕後工作人員上鏡，頓時令影樓雞飛狗走。
親自教授蝴蝶手
《別》曲的原唱人王馨平（Linda）到場探班時亦被引得狂笑不已，她說：「死喇，我完全唔認得你呀，你個側面都幾靚喎！」然後又親手為他整理頭髮，而導演則向Linda請教如何做出正宗蝴蝶手，Linda亦認真地與導演練習，拍攝後Linda笑說原本以為沒有人可以超越樂仔，想不到一山還有一山高，她說：「估唔到導演皮膚真係好靚，冇暗瘡，仲有佢對眼原來好大㗎！」彭浩翔亦十分滿意自己的扮相，他笑說：「其實今次都係我第一次除眼鏡上鏡，因為化妝小姐話我對眼靚，又有帶假眼睫毛。」新版MV將於今日起在所有《春嬌與志明》場次的片尾播放，不會放上網，以免再被盜用。撰文：李森
彭浩翔這個45度角側面，令王馨平大讚靚女。
彭浩翔（左圖）與余文樂先後反串，將《別問我是誰》MV玩得好徹底。
彭浩翔的男人樣，不知王馨平會給他幾多分呢？資料圖片
留言列表
