黑超加斜孭袋,羅樂林呢個蒲九龍城look,十年如一日。

圈中又有喜事,羅樂林同陳寶儀所生嘅囡囡羅苡之(Tisha),最近响微博宣布同港男男友陳志健(Otto)訂婚,不過老豆羅樂林因為冇玩微博,連自己要做外父都唔知。先斬後奏,準外父到家陣都冇發表過嫁女感受。


習慣一支公生活,唔肯講同太太陳寶儀婚姻有冇出問題嘅羅樂林,上個禮拜一(九日)去九龍城買餸,之後行去涼茶鋪飲葛菜水。佢幫襯嘅鋪頭叫「陳仔」,啲葛菜水响附近出晒名,身為九龍城之友,羅樂林當然知定,仲同店員好熟落,打晒招呼先坐低慢慢歎。又係嘅,唔知自己要做外父,諗落都㷫㗎,飲杯葛菜水墜吓火,啱數! ####


囡囡羅苡之同港男陳志健訂婚,開心到即時發微博,但偏偏唔記得打俾老豆報喜!


拍劇捱更抵夜,連嫁女都話唔知嘅羅樂林的確要飲杯葛菜水下火。

arrow
arrow
    全站熱搜

    stacylife 發表在 痞客邦 留言(0) 人氣()