呢鋪想唔認講粗口都唔得啦！（設計對白）罕有露事業線嘅佘詩曼，講到明入行十幾年，唔怕人講，如果為一句說話而形象冇晒嘅話，自己會檢討喎！嘩，好高啊。 

媽咪姐

阿佘多得曾志偉

曾志偉喺迪士尼搞 60大壽 party，大堆藝人玩到癲，幾杯落肚真面目出晒嚟！唔止犯禁喺室內食煙，仲 high到合唱粗口歌，亂晒大龍。志偉喺台上更辣埋佘詩曼︰「阿佘平時粗口咁流利，叫你上台唱又唔唱，真係×晒，×你老味，一齊俾句阿佘：×你老味！」事後志偉話成件事自己一個攬上身，仲堅持唱粗口歌係用嚟抒發，唔唱唔開心咁話。

 

至於被志偉公開爆粗嘅佘詩曼，周三（ 17日）出席護膚品活動就笑笑口話︰「嗰度全部好朋友，係自己人，一家人閂埋門講咩笑都得。」不過問到佢係咪從來唔講粗口，佢就局住答︰「唔相信一個人完全冇講過粗口，睇咩場合，一般唔應該講粗口鬧人，嗰首係歌啫！唔會嬲。」俾人爆粗之餘，仲被揭粗口流利，今次阿佘真係要同獎門人講句多謝晒咯！



迪士尼 party爆粗又不文，搞出大頭佛，佘詩曼口話冇嬲，不過早兩日見到志偉嗰陣就鬧對方︰「擺我上枱，衰人！」《蘋果日報》圖片

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄