close

 

上個禮拜六（四月十四日）晚，澳門威尼斯人酒店搞咗個巨星演唱會，嘉賓陣容有草蜢、梁漢文、薛凱琪以及來自台灣嘅柯震東。喺台灣俾人影到同緋聞女友蕭亞軒去國父紀念館拍拖散步，嚟到澳門，柯震東忽然「轉性」，一而再強調自己太愛房祖名，仲大讚對方好照顧自己，帶佢去夜店。


柯震東同房祖名講到尾都只係趣味相投，當晚做完演唱會，房祖名帶路，一齊去咗新濠天地嘅蒲場Club CUBIC，欣賞外國組合LMFAO演出，順便睇吓有冇獵物。可惜現場人逼人，莫講話靚女，柯震東全程從後捉實房祖名驚走失，加上啲歌唔啱少爺仔胃口，聽到皺晒眉。冇女埋身啲歌又唔啱聽，柯震東仲違反合約，事關佢今次去澳門係威尼斯人酒店出錢出面，根據合約，柯震東唔可以亮相澳門其他酒店，威尼斯人絕對有權叉佢，溝唔到女仲隨時蝕拃米。 ####


柯震東雙手全晚搭實房祖名膊頭，仲不時皺眉頭，好明顯，呢個場唔啱胃口。


知道柯震東悶親，房祖名拍一拍佢手背安慰，做足大佬本分。


其實入場睇騷嘅人個個都好high，包括賭王四房大千金何超盈，直頭企咗上台跳到頭髮都亂晒，就連薛芷倫都聽得好投入。


蒲完澳門，第二日柯震東（右二）嚟香港出席金像獎，夜晚再同《那些年》演員打邊爐慶功，由於經理人柴智屏（左二）响度，當晚柯震東只能跟實大隊，唔敢四圍蒲。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄