跳到主文
部落格全站分類:偶像明星
娛樂八掛大放送★
娛樂 週刊 雜誌(2014-2015)☆
娛樂 週刊 及 雜誌(2012)☆ 娛樂 週刊 及 雜誌(2013)☆
去年中已攞到期開個唱的阿Sam預咗阿英演出,如今變成隔空對唱。
去年許冠英病逝,阿Sam半年來一直未釋懷,並經常為此而情緒低落,太太Rebu為開解老公,不時相約昔日讀大學的舊友,與阿Sam聚會夾Band。今次演唱會,阿Sam亦特別安排悼念許冠英環節,透過大銀幕與胞兄隔空對唱,更親自揀選昔日阿英的舊照,與觀眾分享,其間阿Sam一度唱到眼濕濕,聲音哽咽。
未完全放低有別以往,阿Sam今次選擇開三面台,台上設置大屏幕,好讓他與離世的許冠英對唱,向胞兄致敬。去年許冠英突然心臟病離世,阿Sam心情始終未完全平復,長兄許冠文亦不諱言:「俾啲時間佢,始終佢哋感情最好!」阿Sam情緒低落,老婆Rebu為分散其注意力,不時相約阿Sam的舊校友,一齊夾band。「為咗籌備今次演唱會,反而令阿Sam有咗精神寄託,佢一做嘢,個人就完全投入,唔會諗咁多唔開心嘢!」阿Sam身邊人說。
酒店歎中菜完成四場演唱會後,阿Sam心情亦輕鬆不少。「阿Sam大學讀心理系,其實分析能力好高,佢只係同阿英感情太好,先會咁唔開心!」演唱會尾場當日,阿Sam五時半在紅館進行拜神後,先到黃埔海逸酒店廿一樓吃中菜,食到接近七時,才折返場館準備,輕鬆應付個唱。
週一(16/4)開騷前,阿Sam到海逸酒店吃中菜,同行還有其舅仔。
慳得就慳阿Sam演唱會開三面台,可容納9,800觀眾,當中有超過六成是580元貴價飛,門票全部售出,一場收入四百多萬,比開四面台還要多。扣除阿Sam每場100萬歌酬,及80萬場租及有數的製作費,主辦單位春天娛樂今次執唔少。 高志森旗下的春天娛樂,幫汪明荃開騷,因為慳皮用平價歌衫而激嬲對方,今次阿Sam演唱會,便有觀眾投訴連bon bon棒都無得派。 ####
許冠文、許冠武,與阿Sam及他的兩個兒子合唱,阿Sam不停望住銀幕裡的亡兄。
阿Sam親自挑選數十張阿英的舊照,憑歌寄意。
許冠傑落台與觀眾握手,由於群情洶湧,一班實Q出盡力護駕。
開騷前,阿Sam練空手道健身,每晚唱足三個多小時,仍精力充沛。
阿Sam公開展示一對孖孫許俊、許朗。
阿Sam思想傳統,擇定吉時五點半拜神。
開騷前阿Sam特別走上前與等候他的fans握手。
豹痴阿Sam堅持要特製這隻有兩層樓高的巨豹為他站台。
818 娛樂八掛大放送★
stacylife 發表在 痞客邦 留言(0) 人氣()
留言列表