周秀娜透底 不敵馬國木瓜
周秀娜以低胸透底裝亮相新片開鏡，竟然不敵來自馬來西亞的童冰玉。面對過江鳳，周秀娜不失大將之風，指「馬國木瓜同榴槤都有用啲」，引得笑聲滿堂，她更懶理腳傷，揚言繼續落力拍打戲。
周秀娜、盧頌之（Dada）、余曉彤（Ｈidy）、徐天佑，加上馬來西亞演員童冰玉及林佩琦等，前日雲集沙頭角公路，出席卓韻芝新片《爆3俏嬌娃》開鏡。周秀娜雖悉心打扮，無奈仍不敵童冰玉的5吋事業線，不過拍照時赫然發現娜姐左腿腳踭位貼上膠布，據悉是因為日前拍攝打戲受傷所致。
周秀娜不介意被搶鏡，且打趣說：「可能嗰邊啲木瓜同榴槤有用啲。（戲裏面性感番？）導演好清楚男士需要，亦知道我哋嘅優點……總之我有衫着囉。」提到腳傷，周秀娜才大方地說：「嗰日着住高跟鞋拍打戲失重心，傷咗3條韌帶，其中一條裂咗，去睇醫生佢話幫我唔到，最緊要多啲休息，不過我會繼續打，因為事前準備咗半年，唔想嘥咗佢。」
童冰玉（左）與林佩琦初來甫到，即一副搏殺格。
左起：余曉彤、周秀娜和盧頌之三位本地女星以高貴作賣點。
徐天佑（右）力求在以女星為主的電影中爭取表現。
童冰玉熱爆東南亞
童冰玉與林佩琦孖住做訪問，前者自爆熱爆星、馬、泰一帶，今次首次來港拍戲。談到性感衣着，她說：「導演話明要搶嘛，戲裏面我唔性感，交番畀林佩琦鬥周秀娜。」林佩琦即表示今次性感尺度挑戰底線。
身為導演的卓韻芝今次自編自演，且笑指電影公司未有給她三份人工，且首天開工已率先拍攝其垂死戲份，認真大吉利是。她承認周秀娜將有前所未有的性感演出：「要清場拍攝，露得嘅地方都露，勁過佢推出嘅枕頭，好彩我係女導演，大家唔會以為我自己想睇囉。」
文：影視組
娜姐遭5吋事業線Big擊
早前拍打戲導致腳部韌帶撕裂的周秀娜，穿低胸透底裝參與新片開鏡，卻仍不敵來自馬來西亞的童冰玉「胸湧峰頭」。
周秀娜偕盧頌之（DaDa）及余曉彤（Hidy）由模轉型闖影圈，前日與徐天佑、La Ying及馬來西亞演員童冰玉及林佩琦等出席卓韻芝新片《爆3俏嬌娃》開鏡。悉心打扮的娜姐遭谷5吋事業線的童冰玉搶鏡，她並不介意：「可能馬來西亞啲木瓜同榴槤有用啲。（戲裏面性感番？）導演清楚男士需要……總之我有衫着。」提到左腳貼膠布，她說：「嗰日着高踭鞋拍打戲失重心，傷咗三條韌帶，醫生話要多休息。我會繼續打，因為事前準備咗半年。」
搶鏡「胸」星：導演叫嘅
至於搶盡「峰」頭的童冰玉說：「導演話明要搶嘅！戲裏面我唔性感，交畀林佩琦鬥周秀娜。」導演卓韻芝指娜姐將有前所未見的性感演出：「要清場拍，露得嘅地方都露，勁過佢出嘅枕頭。」
同場的男藝人La Ying被追問與阮民安（Tommy）的錢銀轇轕，他說：「佢傳短訊嚟話玩大佢，最近有記者打畀我，追問糖妹幫我哋做助手時嘅點滴，講真，細節得幾個人知，唔係佢講仲有邊個？」而Tommy前晚亮相首映時反駁：「我只不過話要公開件事！佢曾經話唔做呢行，轉頭咪簽咗周秀娜個經理人。（你新花名係小強？）黃子華創作後變咗好嘢！」
影視組
周秀娜
馬國女星童冰玉（左）身材「凸」出，與另一女星林佩琦齊闖港影壇。
周秀娜負腳傷出現仍被搶鏡，即表明於電影中有性感演出。
導演卓韻芝（後排右三）率領眾演員參與新片開鏡。
娜姐寸爆大馬波霸
「係咪榴槤有用啲？」 
【C女郎】
■周秀娜前晚谷胸上陣又透黑底，性感程度未算爆燈。 攝影：陳慧安
宅男女神周秀娜前晚谷胸透底，竟然不敵力谷湯碗胸的大馬波霸童冰玉！娜姐前晚與盧頌之、余曉彤、卓韻芝等到沙頭角為電影《爆3俏嬌娃》宣傳，娜姐谷胸露背兼透視黑底，童冰玉更力谷湯碗胸，大騷5吋事業線，非常誇張，另一大馬女演員林佩琦也谷胸露腰，而𡃁模盧頌之則最失色，靚靚晚裝卻透視阿婆底。
「我唔食榴槤木瓜」
早前拍戲拗柴的娜姐前晚展示腳傷，她未肯正面回應片中是否有性感演出，反而就暗寸搶鏡的大馬女演員，娜姐說：「都覺得好犀利，唔知係唔係木瓜有用啲，我都要收埋，唔會被搶鏡，定係馬來西亞嘅榴槤好用啲？我本身唔食榴槤，木瓜都唔會。」
身為導演、編劇及演員的卓韻芝，就大賣關子爆娜姐會在片中有她從影以來最大膽的演出，阿芝說：「比起之前攬枕寫真仲大膽，近乎一絲不掛，冇得再露，有爆衫場面。」
■（左起）余曉彤、周秀娜和盧頌之前晚盛裝宣傳新片，盧頌之更透視阿婆底。 
■力谷5吋事業線的大馬波霸童冰玉（左），與林佩琦在場大搶風頭。 波霸：我係用腦嘅
首次來港拍戲的林佩琦直言會挑戰性感尺度，亦不擔心會搶娜姐風頭，她賣口乖讚娜姐是香港的性感女神。而最搶鏡的大馬波霸童冰玉也說：「導演話嚟就要搶爆佢，戲中冇得露，𠵱家有得露就露，件衫唔係戲服，我絕對係用腦嘅人。」
採訪：溫敏芝
留言列表
