close
社交圈
七宗罪
社交場合最講禮儀，上流社會更是先敬羅衣後敬人，有錢無 taste無禮貌一樣罪大惡極，但社交七宗罪卻 keep住每日上演。
何超欣衰著絲襪
上週三保良局舉行就職典禮，四太細女何超欣放假返港，當然要去保良局賀阿媽做第一副主席。已亭亭玉立的她，穿了短裙並露出長腿，一副青春少艾，偏偏她著住肉色絲襪襯涼鞋，成個婆仔咁款。
梁安琪衰小家
何超盈衰唔大方
跟 Moiselle太子爺陳柏熹老友的四太女超盈，夠義氣現身到花生騷撐場，不過全程封嘴，去到邊都拉住細佬猷亨護駕。
查實佢都好應該恢復正常，行得出嚟社交圈，簡單跟傳媒寒暄幾句係禮貌。
鄧鉅明衰踩裙尾
太子珠寶鐘錶老闆鄧鉅明拖埋太太宣宏雁出席上週五晚卡地亞派對，身穿藍色長裙的鄧太令人眼前一亮，她笑說：「我只花咗個半鐘打扮。」鄧生入場時卻唔覺意踩到老婆裙襬，好彩佢發現得早兼反應快，先冇裙拉衫甩咋。
陳振聰衰過鏡
陳振聰孖住林以諾牧師入場，他說：「被聖靈感動改信主，啱啱領洗完。」領洗非洗底，稅局照追三億多元稅款，但佢堅持風水費是龔如心「愛的餽贈」。 
李嘉欣衰牙黃
邱德根孫女邱詠筠出席卡地亞活動時被追問前男友、曾蔭權兒子曾慶淳攬女，她同樣露出一棚黃牙說：「唔好為難我啦！」
俞琤衰大肚腩
女生男相，愈來愈男人味的商台副主席俞琤，連身形都走向麻甩，上週五在福臨門食完晏，離開時大肚腩現晒形，仲脹到褲鏈頭凸出，雖然唔似女人要玲瓏浮凸，但孭住成條車呔，始終有礙觀瞻。
全站熱搜
留言列表
