close
邊隻好呢？（設計想法）睇玩具睇到咪咪嘴笑嘅羅嘉良，望住啲 bear bear入晒神。
同你吟一吟
羅嘉良揀定禮物送 B女
停工陪老婆留港待產嘅羅嘉良，上星期五（四月十二日）晚，陪住大肚蘇岩拍拖行銅鑼灣，由禮頓道慢 walk上利園山道，自言進入分娩倒數日子嘅蘇岩，全程繑住老公。
其間，途經玩具店，兩公婆忍唔住入去磨咗一輪，由模型到熊公仔逐樣睇，見到啲女仔打扮嘅 bear bear，羅嘉良企定睇咗好耐，不過始終冇郁手買。
已經重咗卅幾磅，估計 B女都有七磅幾嘅蘇岩，喺微博自爆話自己佗 B之後只係嘔過幾次，冇妊娠紋塊面又冇斑，仲所有大肚婆忌食嘅生冷食物，全部食得冇事。
得得得！但奉勸其他大肚婆，咪亂學！體質人人有異，蘇岩得天獨厚，能人所不能，包括令羅嘉良背負拋妻棄子惡名。
自言佗住巨肚，開始行唔郁嘅蘇岩，全程繑住羅嘉良借力。 
蛇女未出世，蘇岩攞住隻馬仔，莫非諗定追仔大計？
微博晒食雪糕相，又話自己佗 B冇出面斑嘅蘇岩，對自己狀態十分滿意。 
撰文：八珍
全站熱搜
留言列表
