close
同你吟一吟
城嫂 2:0贏青冰冰
上個禮拜三晚(四月十日),第九屆「華鼎獎」電影頒獎禮由內地搬嚟九龍灣國際展貿中心舉行,頒獎禮紅地氈常客范冰冰一反常態,居然著咗條包到上頸嘅青色裙現身。
事後冰冰解釋因為做咗 LV代言人,咁啱成個系列件件衫都咁多布,冇計!其實肯嚟都已經好俾面,早排《鐵甲奇俠 3》响北京搞首映,知道國際版完全刪走晒自己戲份嘅冰冰,嬲到記者會同首映都唔到。
鬼佬唔吼!但嚟到自己友地頭,范冰冰就做番一姐,仲憑《二次曝光》奪華鼎影后。呢個地球,得一個李安,荷李活唔係人人都啱玩嘅,有邊個唔返頭拍華語片?咪嘥時間啦!
范冰冰呢身打扮,扣分!熊黛林兩球在手,贏晒!
大會宣布冰冰攞影后,楊受成第一個彈起身吻賀出爐影后左右兩邊面,之後到成龍接力,咦!點解唔見黃秋生嘅?
得獎名單意料中事,就連頒「年度成就獎」俾葉德嫻嘅嘉賓又係劉德華,零驚喜!
繼續英皇好友系列,成龍憑《十二生肖》攞完「最佳電影動作指導」,再攞「最佳導演」,唔好誤會,呢度唔係《勁歌金曲》總選。
Chok晒嘅謝霆鋒,西裝黑超傍住老闆楊受成行紅地氈,仲 fight低梁朝偉,憑《消失的子彈》攞影帝,成晚英皇掃咗唔少獎。
撰文︰八珍
全站熱搜
留言列表