close
同你吟一吟
栢芝媽鄺美雲男友慳住使
同鄺美雲高調承認拍拖嘅「樓神」林達民，據講受女友影響信佛後，脾氣比以前好咗好多。其實唔只信仰，連貪靚習性都感染埋。
星期日（四月十四日）下午五點，《壹》仔响 ifc見到著住黑白 tee襯深灰色褲嘅五十三歲林達民，急急腳走入 Zara揀褲，再急急腳走入試身室，之後著住條彩藍色新褲行去收銀部俾錢。
諗諗吓，林達民改變主意走返入試身室，換過另一條新買嘅深藍色褲走人，買咗兩條褲，由試到俾錢，只係用咗十五分鐘。
咁多名店，林達民選擇 399有交易嘅 Zara襯佢條 Gucci皮帶。貪靚睇住荷包，仲有栢芝媽。
個女成為票房毒藥，收入大縮水，栢芝媽唯有慳住使。同樣係禮拜日，栢芝媽同幾個師奶朋友行九龍城獅子石道出口店，見到五十蚊件衫任揀，唔執輸，埋鏡拼再逐件揀，收穫唔錯。
之後栢芝媽離隊，去買麵包再去超市買雞蛋，返九龍城廣場攞番栢芝幾年前送俾佢架寶馬走人。唔換車，買平衫，慳得就慳。
53歲著 45 tee著 Just Cavalli tee，襯 Gucci皮帶，買平 ZARA褲，仲即買即著，林達民個人化 mix and match！ 
藍色新褲林達民原本著住條深灰色褲，响 ZARA試啱條彩藍色牛仔褲，著住去俾錢。
灰色舊褲 
去埋麵包店同超市買嘢，栢芝媽揸住個女送俾佢架寶馬返屋企。 
撰文：八珍
全站熱搜
留言列表
