上月尾她去裁縫舖攞埋最後一條裙，「剩番一兩條訂做嘅裙未著。」
名氣生活
何倍倩粉飾心情
孕婦是最美麗的！好明顯，這句說話是用來氹佗 B辛苦的準媽咪，大部分孕婦不是補到肥了幾個碼，就是腳腫到變豬蹄。
已經懷孕七個多月，恒生創辦人之一何善衡的孫新抱、 Zensation老闆娘何倍倩可謂異數，不但長肚唔長肉，雙腳也沒有腫脹，貪靚的她更自己設計孕婦時裝，「大肚衫唔係黑就灰，我個人有啲奄尖，要著鍾意嘅粉色、碎花圖案，咁做孕婦先開心！」
她先在雜誌揀啱款，再加加減減，然後在裁縫舖揀布料做裙。 
大肚期間，她去上環不是買花膠，便是去裁縫處 fitting。
初試啼聲
由於何倍倩（ Anina)身形本來就偏瘦，懷孕初期，她會買 ready to wear的大碼衫來著，「 Dorian有啱我嘅款就介紹俾我， Renee K又會同我一齊設計晚裝。」但今次是第二次懷孕兼且是龍鳳胎， Anina笑言懷孕七個月時，肚的 size已與首胎生囝囝時一樣大，現時她體重一百三十磅，「仲有個幾月就生，我更努力食多啲嘢增肥，因為手腳唔多肉，重量聚咗喺條腰，腰骨好受力，要成日瞓喺度，又要典兩個圈先起到床。」
其實她懷孕五至六個月，買衫已經好難，很多牌子的大碼衫都穿不下，但香港啲孕婦衫大部分非黑即灰， Anina坦言買唔落手，「我要著自己鍾意嘅顏色，咁先會開心，心情都好啲。」
靚衫難求， Anina索性自己設計孕婦裙，再搵裁縫做，「我會去上環買花膠，年初經過永樂街，見到間叫『裁縫舖』嘅招牌，於是上去睇吓，見有好多外國人搵佢哋做旗袍同晚裝，於是試拎啲衫俾佢哋改。」通過手工測試後， Anina開始找他們做衫，「我未學過時裝設計，今次係第一次，我會喺雜誌睇啱款，然後再加入自己 design，揀布料、顏色，嗰度有好多布辦，唔使我走嚟走去搵布，真係幾好玩。」
迷上癮後，她先後做了十多條 casual dress和 cocktail dress，「第一次度完身，兩個禮拜左右就起貨。」如果胎兒長得快，就要再改，所以 Anina不會一次做很多條，而是慢慢做，「個肚一路膨脹，我又估唔到佢大到點。」衫價視乎布料，由二千至六千元不等。
粉色系上月 Anina穿著自家設計的湖水藍裙，出席她懷孕期最後一個社交活動。 
夏日碎花Anina很喜歡這條花裙，用於晚宴或特別場合，「淨色布好多選擇，但靚嘅碎花布好難搵到。」 
Off shoulder加碎花，一般孕婦裙又點會有這樣的 design？
Casual出街買嘢，她就著這款條子 V領裙。 
飄逸晚裝她又會上 mlh-shop.com訂購靚裙，「有好多裙款，十幾隻色任揀，十五日起貨，原本我著三十二，依家做四十二，以後都唔會再著。」她身上這條裙造價約八千。 
出席年初皮草 ball的長裙，是她與設計師 Renee K合作設計的，「之後可以改細做短裙。」
雙重快樂
與 Wendy開會前， Anina做定個禮盒樣辦（右圖）給對方參考。 
她親自試食送禮的曲奇，「多 icing嘅曲奇好靚但好甜。」真係好味！（真實對白）
禁足
看着鏡中自家製的靚裙， Anina笑言 high school時，媽咪問她大學想唸什麼？「我話想讀設計，佢話唔得，結果我讀最大路嘅 business。」她那鋪 design癮，就唯有發揮在日常生活中，除衣服、首飾，就連公司的美容儀器她都有份設計，「我想啲儀器又靚又有用，我會睇好多書研究，然後同 engineer一齊 design、起模，攞埋美國證書，總之好多 idea。」
當然，丈夫何乃斌正是她御用測試員，「我會將 dummy俾佢試用，上個月我哋部去皺儀喺 ShopNBC直銷節目度賣，本來俾廿六分鐘我哋，結果十幾分鐘就賣晒。」四月份的電視直銷產品銷售額，更貼近八位（港元）數字，見到自己的品牌戰績彪炳， Anina早兩個月已想飛美國，「 Zensation由我一手湊大，喺我另一個 BB，但老公唔准我飛。」現在她更禁足於家，所以她打算六月生完孖胎坐完月就即刻飛，但何乃斌就大潑冷水，「老公話講住先啦，到時見到兩個 BB，我肯定唔捨得走喎。」
ShopNBC熱賣完去皺儀（圓圖）後，即加碼很多她公司的產品，「我都有睇個節目，不過只睇咗兩場，太攰啦。」 
撰文：李美媚
攝影：黃志明
留言列表
