張衞健出動律師發聲明指責胞弟,並表示希望能見對方「浪子回頭」,但至今未有與胞弟聯絡過,亦不肯聽對方電話,講一套,做一套。
探熱針
張衞健細佬反擊:有人食 fing頭丸!
被胞弟張衞彝( Henry)公開合約,炮轟趁病謀財、拖欠 2000萬經理人佣金的張衞健( Dicky),日前返港出席吳國敬鄧建明音樂會,雖然肯公開見傳媒,卻只讀出自己一早準備好的內容,全程不准記者發問。至於與母親發出的聯合聲明,亦未有提及拖欠佣金事項,只着外界細閱他用紅筆手寫的規條,暗指內容中第 6項「 DRUGS」(濫藥)一詞。
對於母親力撐 Dicky,指家人飽受見鐵不成鋼之「恨」,見人不見靈之「痛」。 Henry向張衞健大反擊:「我食唔落咁大隻死貓,我講嘅全部實話,阿媽你夠唔夠膽話唔係。佢針對我呢樣嘢,不斷挑釁我,我咪講出嚟囉!喺細佬( Dicky二弟)結婚前一晚,有人食 fing頭丸,第二日响另一個朋友生日會,佢又食,佢身邊女人仲嬲到打咗佢一巴!」兩兄弟,繼續水火不容。
拒食死貓
被胞弟 Henry追討工作十三年以來的 20%經理人佣金,張衞健與母親發出聯合聲明,內容中只着外界細閱本刊刊載、由 Dicky用紅筆手寫的規條,希望大家深思當中某些詞彙出現的原因,則不難領會事實之真相,同時可體會一家成員,在過去十多年所飽受見鐵不成鋼之「恨」,見人不見靈之「痛」。
面對張衞健聯同母親出聲明指責, Henry表現激動,逐一反擊。「君子不立危牆下,我喺危牆立咗好耐嘞!我食唔落咁多死貓,先焗住講。我成世貢獻俾張衞健得啦!佢名聲緊要,我名聲唔緊要,我唔係你生咩?」
在 Dicky手寫規條中,第 6項提及的「 DRUGS」, Henry回應本刊說:「就算我有食( DRUGS),我話就算咋!兩兄弟,佢都唔可以攞我啲錢又唔肯俾番我!」
4月 12日,張衞彝開記者會,叫記者代交手寫信給張衞健,要他一星期內交代並歸還 20%經理人佣金。
張衞健在聲明中,着大家留意他 06年的手寫紅字,深思當中的詞彙。至於胞弟則不滿 Dicky轉走他 800萬,要他授權 Dicky管理公司及收起 Passport。
張衞健與母親聯發聲明當晚, Henry發短訊給本刊記者,似乎已達絕路。
張衞健與胞弟當年拍住檔賺錢,今日亦因錢反目。(《忽然 1周》圖片)
未出事前,張衞彝與母親合照。
濫藥被掌摑
Henry直言每件事,均有時間地點人物,句句實話。「佢針對我呢樣嘢,係咁挑釁我,我有路行我自己走咗啦!唔會同佢一般見識。係咪要我講晒真相出嚟。
「細佬結婚前一晚,婚禮喺洲際搞,我哋成家搬去半島住,撞正有兩個朋友生日,大家講好咗唔食( Fing頭丸),因為細佬好緊張(婚禮),叫我哋唔可以遲,點知有人食咗,第二朝十點半,呔都未打好就落嚟,到第二晚,另一個朋友生日,喺加州紅搞生日會,有人又有食,佢身邊個女人好嬲,仲打咗佢一巴,阿媽都喺度,阿媽仲即刻鬧個女人,因為好多人在場,話有乜返屋企先講!」
燒炭自殺
在聲明中,母親多番維護張衞健絕無虧欠家中或身邊任何人, Henry忍唔住再爆:「我二十四歲返嚟(由加拿大)幫佢,仲唔報答晒佢,三十幾部電影,全部我去傾,唱片唔夠宣傳,邊個同葛福鴻(台灣金牌經理人)講, TVB話佢反骨,邊個去撐,聲明都係我出,佢做咗啲乜,邊個叫佢拍《西遊記》,忘恩負義!
「佢同人講,關照我關懷我,關過我啲乜,你問管理員,佢幾時嚟過,我病咗,都係管理員煲粥俾我食,佢仲好意思,係咪要我講晒所有真正嘅嘢!」
過去十五個月,家人對自己不聞不問,患抑鬱症的 Henry,自爆去年十月曾在家中燒炭自殺。「喺醫院醒番,仲俾醫生話我唔珍惜生命,話我再多十分鐘就死,嗰一刻我仲擔心俾記者發現,自己偷走返屋企。」 Henry表示,患病前,自己是家中最常陪伴媽咪的成員。「我去旅行都會同媽咪去,十幾年我湊住,團年飯你哋食得安樂,你哋咪食囉!」
Big 4 11年組成初期,吳國敬便一度公開鬧爆四子,直至去年關係才好轉。(《蘋果日報》圖片)
Dicky上週六由浙江返港,做吳國敬演唱會嘉賓,在台上 high爆。
01年,張衞健二弟張衞基(後排右一)結婚,一家人開心合照,已此情不再。
睇清為人
毒海風波
娛圈吸毒新聞時有所聞,近期有黃浩食店被指有藝人吸食粉末,繼而何家四太長女超盈滿鼻粉末迷走銅鑼灣,早年甚至有藝人在海外斷正被拘捕!
台灣勒戒
食可卡因錄歌
毒癮情侶
衞詩與關楚耀 09年 2月拍拖到東京,在一間雜貨店內因藏有大麻煙被捕。衞詩在日本被拘押 60日,終獲判緩刑!庭上她公開 08年染上毒癮,每星期要吸食三次海洛英,由於日本官司花費龐大,令她欠債百萬。
留言列表