close
囡囡喺旁邊好乖咁等 Flora，而 Flora就好專心咁揀緊食物，一副精叻主婦樣。
FBI
陳慧珊揹起頭家
《衝上雲霄 II》嚟緊 15號就播，好多人都仲好懷念 Sam哥同阿 Bell呢一 pair，可惜今集變咗法拉配鎮宇，希望好睇啦！
其實唔只 FBI，相信好多讀者都好期待陳慧珊復出，早排 FBI喺 ifc撞到陳慧珊（ Flora）拖住 6歲女買餸。自 1年前陳慧珊老公鍾家鴻申請破產後，喺港大讀緊碩士嘅 Flora就揹起養家責任，嚟緊仲接咗曾志偉監製嘅 TVB新劇《 Aerobic Girls舞室保衞戰》，點都叫做幫補吓家計。 FBI當日所見， Flora唔算買咗好多嘢，不過就樣樣食材都細心研究，仲睇埋價錢至放入籃。冇工人跟身， Flora最後一手拖住 6歲囡囡，一手拎住 3袋嘢落停車場攞車走人，獨立又能幹嘅女人， FBI最欣賞！望就望 Flora呢次復出拍劇，觀眾都識欣賞啦！
6歲獨女相當聽話，行完超市就拖實媽咪，完全冇嘈嘈閉扭計。
拍過隱形眼鏡廣告嘅新人陳瀅將會飾演後生版陳慧珊，齊齊拍志偉嘅《 Aerobic Girls舞室保衞戰》。
03年台慶劇《衝上雲霄》將陳慧珊嘅事業推上高峰，可惜上年 TVB請佢拍續集，佢就推咗，直到今年傳佢水緊先肯接 TVB新劇，可惜！
撰文、攝影： FBI
全站熱搜
留言列表
