快將三十歲的賈曉晨（JJ），年前憑住於《獎門人》以高潮眼啜乒乓波出位，火速成為不少宅男心中的女神，而且有極多富豪公子追求，但揚言只愛靚仔的JJ，卻選擇了和無綫大茄沈震軒（Sammy）拍拖，兩人雖然多次被拍得出外談情撐枱腳，但為保飯碗，JJ有愛講不得，惟有愛得偷偷摸摸。

不過，要搞地下情的JJ，似乎另有發洩情感路徑，日前約下午三時許，本刊發現JJ一個人拖住個篋孭住手袋去皇崗過關，全程十分狼狽，其後JJ又乘的士近一小時到寶安區，與一名貌似周潤發的中年男士會合，二人再急步步行去一間兩星級的酒店過夜，鬼祟會猛男。

JJ早前到深圳會合一名貌似周潤發的中年猛男，該猛男一見到她，立即為她拉篋，並與她一同進入「亞尼斯酒店」，兩人身貼身十分親密。

出席無綫的宣傳活動後，JJ由保母車送至皇崗，落車時JJ刻意將帽拉低。

搞 地下情

「宅男女神」賈曉晨（JJ）一直視古天樂為偶像，更揚言希望男友能長得像古天樂「那麼帥」，所以一○年JJ與有「翻版古天樂」之稱的沈震軒（Sammy）去上海拍旅遊節目，二人便一撻即着。為方便見面，Sammy同年更刻意搬到女友位於將軍澳怡心園寓所附近，去年就有傳媒發現，二人已在怡心園共賦同居。

雖然二人已成半公開情侶，並多次被發現甜蜜撐枱腳，但因為公司反對拍拖，所以二人惟有搞地下情。據其密友透露，JJ的老闆陳百祥知道二人拍拖非常反對，並迫令JJ同Sammy分手，但JJ覺得難得搵到個自己鍾意的男友，惟有將感情收收埋埋。好友續說：「JJ不知幾想公開戀情，因為JJ已經視Sammy係結婚對象，不過公司反對，佢想公開都唔得，加上Sammy事業啱啱先起步，所以佢兩個惟有玩住地下情先。」JJ未能公開與Sammy的戀情，但每當有記者提起Sammy時，JJ總是笑得甜絲絲更謂：「Sammy係一個好有才華嘅男仔，我同佢都鍾意聽歌、睇戲。」JJ開到口話二人志趣相投，明眼人一睇就知。

猛男到酒店門口，熟識地與內裏職員打招呼，並急步入內，拋離JJ幾個身位。