老婆抵錫！(設計對白)
鍾嘉欣既係 TVB親生女，亦是星煥新寵，去年尾簽約星煥時，老闆何哲圖及樂易玲都出面撐場，《紅白鬥》咁大騷，點會唔益鍾嘉欣。
利益輸送
無綫紅白騷明益自己友 鍾嘉欣許廷鏗特權獨唱
無 綫音樂節目一早今非昔比，雲集全港紅歌星的《翡翠歌星賀台慶》變咗歷史檔案。本週六（ 7日）將舉行的《翡翠歌星紅白鬥》，聲稱有近 200名歌手振興樂壇。雖然製作總監余詠珊揚言是「破冰騷」，但事實上四大唱片依然睬佢都傻，旗下歌手繼續失蹤。
四大唔肯和解，全因余詠珊今次擺明益晒老公何哲圖揸 fit的唱片公司星煥國際，據知只有旗下二、三線歌手包括鍾嘉欣、許廷鏗和吳若希等可以在《紅白鬥》內獨唱新歌做宣傳，其他即使友好英皇的陳偉霆都冇得唱自己歌，雖然亦有歌手開出條件，希望出騷可換取上其他綜藝節目的機會，但 TVB亦企硬：「 嚟就 嚟，唔 嚟就罷！」大石砸死蟹！
老公有我睇住！（設計對白）
無 綫非戲劇製作總監余詠珊，被踢爆是星煥老闆何哲圖太太，余詠珊亦擺明車馬明益星煥歌手。
新上任的無 綫非戲劇製作總監余詠珊，曾實牙實齒說《翡翠歌星紅白鬥》是「破冰騷」，又美其名是宣揚音樂精神，可惜事與願違，無 綫與四大唱片關係依然惡劣，環球更企硬冇偈傾，所謂「破冰」得個講字。
偏幫老公
而所謂音樂精神亦非常大細超，知情人士向本刊爆料，指余詠珊明益星煥幫到出面。「星煥老闆何哲圖係余詠珊老公，佢點會唔偏心！今次星煥攞有特權，鍾嘉欣、許廷鏗，連吳若希都可以唱自己歌做宣傳，但係就算一向友好 嘅英皇歌手都未必畀佢唱，好似陳偉霆咁想唱都唔畀，何況其他唱片公司。」
據知幾間規模較小的唱片公司都有為藝人爭取在《紅白鬥》唱自己派台歌，但 TVB態度強硬，知情者說：「 TVB理得你，一句就話呢個係大騷，你 哋 嚟就 嚟，唔 嚟就罷！但係星煥啲歌手 嚟撐場仲會安排佢 哋上其他綜藝節目，其他唱片公司就冇得傾，所以大家都係求其派幾個人去就算。」
星煥幾乎全員出動，據知鍾嘉欣、江若琳、吳若希及「巨聲幫」許廷鏗都有特權演唱自己的新歌宣傳，難怪令其他歌手眼紅。
老牌頂數
早前的《翡翠歌星紅白鬥》記招，出席大部分屬二、三線歌手，幾乎叫唔出名，而一眾老牌歌手甄妮、林子祥、周慧敏等亦索性唔出席。
今次余詠珊為營造大量歌手撐場，只好召集老牌歌手幫忙，甄妮、林子祥、關淑怡、周慧敏等，又找來韓國組合來湊夠數，似足雜牌軍。其實余詠珊偏幫星煥早有前科，今年《勁歌》第一季優秀選， 12首金曲星煥就有 5首，令英皇同東亞唔高興，更引發羅力威被踢出《紅白鬥》事件。
週一（ 2日）本刊致電余詠珊，她竟然唔上身：「交 咗畀其他同事處理，呢 啲 嘢唔係一、兩個人話事，我亦唔知佢 哋（歌手）唱咩歌，總之我唔 喺香港，遲 啲再講。」至於她老公何哲圖至截稿前未回覆。
大牌唔撐場
無 綫吹雞出席《紅白鬥》，但大部分唱片公司覺得大細超，細公司冇得揀，大牌公司亦只派幾個歌手做代表，只有一向友好的英皇肯出盡全公司力撐，其中古巨基和容祖兒更做埋兩隊隊長。
英皇
古巨基（隊長）、容祖兒（隊長）、陳偉霆、蔡卓妍、林峯、洪卓立、鍾舒漫等
Amusic
衞蘭
金牌大風
張繼聰、 RubberBand
東亞
王菀之
星娛樂
關心妍、鄭融
BMA
Gin Lee、周國賢、裕美、 Yellow!
Snazz
蔚雨芯、狄易達
敢怒不敢言
余詠珊搞騷大細超，各唱片公司雖然不滿 TVB仍要忍氣吞聲，對不公平傳聞唔敢亂答。
謝安琪
淨係知張繼聰會打鼓，我暫時未收到通知，唱唔唱自己歌睇情況囉，如果我參與 嘅項目都唔一定要唱自己歌 嘅。
自由身簽星煥的謝安琪，極有可能趁《紅白鬥》重現 TVB。
張繼聰
我會跳舞啦、打水鼓啦，唔使唱歌，唔知其他人做咩喎！（無 綫大細超？）呢 啲唔清楚喎！
金牌大風的張繼聰已肯定冇得唱。
Gin Lee
我只會唱 Whitney Houston嘅歌，我有問過 TVB可唔可以唱自己歌，但冇安排到。
新歌〈 Falling〉網上點擊率不錯的 Gin Lee（李幸倪）是 BMA代表。
陳偉霆
我應該只係跳舞，未安排唱歌環節喎。
英皇的陳偉霆即將推出新專輯《 Pop It Up》，但依然冇得唱。
羅力威
早前羅力威突然被飛出《紅白鬥》，傳因余詠珊不滿英皇向外界放料，指星煥得到優待，於是向羅力威開刀；但上星期余詠珊忽然讓步令羅力威「翻生」在《紅白鬥》出現，但羅力威將演出甚麼環節則仍未有落實。
農夫
我 哋特別 啲，會 rap啲經典歌，仲有個神秘嘉賓一齊合作，係邊個唔講得，總之好特別 嘅！
其他歌手敢怒不敢言，但據知除鍾嘉欣、許廷鏗等有特權獨唱外，同屬星煥旗下的農夫，原來在《紅白鬥》亦獲得特別安排。
留言列表
