close
連詩雅行去後台安撫柏豪，仲摸一摸佢耳仔，睇吓佢有冇事，睇嚟佢兩個真係好好感情。
FBI File
連詩雅周柏豪後台掃耳
連詩雅（ Shiga）、楊愛瑾（ Miki）和周柏豪上星期出席微電影《物．語女子》首映， Shiga同 Miki均大露背上陣，性感度打成平手；不過柏豪忽然玩自閉，以靜制動，又成功搶鏡。
平時見到記者雞啄唔斷 嘅柏豪，當日一上台就呆呆滯滯，落台時仲差 啲仆親。 FBI打聽之下，原來佢當日發燒，仲燒到 104度，但話晒係男主角，點病都要死撐啦，之後柏豪全程坐 喺台邊冇晒心機，當然搞到成班攝記圍住佢影，連詩雅仲即刻走去睇吓佢咩事兼摸一摸佢耳仔。之前 Shiga被公開與曲赤的「脷疊脷」密照後，柏豪出聲力撐，睇 嚟佢哋感情真係好好喎！
柏豪落台之後，即刻走去台邊休息，坐低仲𠌥低個頭，好似好嚴重咁，連詩雅都唔敢出聲「惹」佢。
燒壞腦
董敏莉做緊訪問嗰陣，柏豪坐喺度做布景板郁都唔郁，真係燒得緊要喎！
全站熱搜
留言列表
