Miki話𠵱家只會做好本分，散文集嘅校對、造型同排版好多方面都自己落手落腳去做，務求零失誤。
真面目
冇底線 未上岸豁出去 iPad Miki出寫真拍三級片
05年，餅碎 Miki楊愛瑾單飛之後，開始主攻電影，本來發展唔錯，可惜被傳介入永安百貨太子爺郭永淳的婚姻，形象插水。
最近 Miki終肯公開郭永淳的男友關係，亦解釋當年跟對方拍拖時，男方已是單身，還她清白；經過多年洗底，今年 Miki誓力挽聲勢，先在書展推出寫真集，又一口氣為無綫連拍兩劇， 8月更會擔正一套懸疑電影。難得有機會翻身， Miki揚言不設底線，新片極有可能例為三級， 28歲 Miki今鋪真係搏到盡！
04年 Miki首次擔正獨立電影《 B420》做女一， 05年再擔正《龍咁威 2之皇母娘娘呢》，票房大破 1,500萬，令 Miki榮登千萬票房女主角，係威係勢。可惜負面新聞累事，去年約滿 StarzPeople，簽約新公司悅目藝人（ M&M）之後， Miki決心再出擊。
變 C cup
寫真在泰國象島拍攝，由於還未完全開發，景點靚又夠自然，加上 Miki性感三點式上陣，簡直襯到絕！
相隔 10年再戰水着
今年 Miki入行第 11年，她希望推出一本散文寫真集，交代入行以來的經歷和心態轉變。 28歲的 Miki，罕有以三點式示人，對上一次，已經是 10年前 Cookies的年代。
由 A Cup變 C Cup的 Miki，身材更有睇頭，「其實公司冇迫我，出書都預咗嘅，三點式差唔多啦。」睇過 Miki的三點式，第一個反應真係嘩一聲，身材勁咗喎！「身材冇咩點變，可能嗰陣時仲係細路女，𠵱家着嘅感覺唔同咗，但呢件比堅尼真係好少布，又有窿窿，真係要做足安全措施，喺香港我一定唔會着。」
由最初嘅 Cookies變成今時今日個人發展， Miki笑言心態同思想上都有好大轉變，而今次文字相集背後最大原因，係希望多啲人了解自己真實一面。
Miki今次拍攝準備咗 20套衫，由朝影到晚，每日只瞓四小時。
帶 7條 T-back影寫真
Miki笑言人大咗反而會驚尷尬，衫少布啲，都會怕醜。
寫真特別在泰國的象島和曼谷取景拍攝，一個星期拍足 7日，為 keep住身形，面對泰國美食， Miki都要忍口，「今次係泰國旅遊局同香港航空贊助，全程都有導遊傍住，但就有得睇冇得食。最慘係有一日去火車站影相，我着住露臍裝坐咗喺張凳度，初頭冇為意，直至 cut機先發覺有隻大曱甴爬咗上腰，當時好想喊，因為自己最驚曱甴㗎！」出發前， Miki做足功課，仲帶咗 7條打底褲同 T-back。
性感照男友過目
上月， Miki終於公開承認與永安太子爺郭永淳的戀情，收埋 4年多， Miki坦言鬆了一口氣，她說︰「最開心是傳媒朋友的信任，有時解釋得多未必是好事，公司亦好支持我，但未來真係想大家專注喺我事業上。」
問到 Miki有否將寫真給男友過目，她說︰「都有畀佢睇，問吓意見，但工作上我們好獨立，佢亦好明白我工作需要。」 Miki的寫真會附送一張 single碟，新歌〈綿羊〉是她憑歌寄意，歌詞中嘅一句「圍觀過的正義的怎麼愛仍說不對」更是 Miki的心底話。
附錄一首新歌〈綿羊〉，當中歌詞正是 Miki心聲，歌詞提到只要忠於自己立場，旁人冷言冷語阻礙不了自己繼續行自己嘅路，要相信自己的選擇。郭生收到未？
Miki笑言有一個 shot竟然有隻「小強」爬咗上腰，直至 cut機後，先敢撥開佢，爭啲嚇到喊！
因為 09年拍到與郭永淳同車而傳緋聞， Miki早前在活動上終於大方承認戀情，並坦言自己會專注於事業發展。《壹週刊》圖片
首拍三級片
除出寫真搏盡， Miki亦想在影圈發圍，下月她將拍攝一套新戲，導演是曾參與《霍元甲》和《血戰新世紀》，和在 11年執導《贖命》的香港新晉導演周隼， Miki透露新片是套懸疑驚慄片，包含驚嚇和暴力，跟同公司的顏卓靈演兩姊妹。
Miki說收到劇本後，已知道極有可能被例為三級，「內容未可以講住，只可以話如果劇本好，自己都唔介意好激，淨着內衣亦冇問題。咁當然，如果遇到李安的《色•戒》，我會更加仔細考慮裸露尺度，因為我真係好鍾意拍電影。」 Miki說睇過《龍紋身的女孩》之後，更加唔怕接激戲喎！
簽 TVB博入屋
自 12年簽約無綫後， Miki已接拍兩套電視劇。在《貓屎媽媽》中與黃宗澤扮演夫妻。《蘋果日報》圖片
對上一次擔正拍電影，已經係 08年的《親愛的》，同台灣女星曾愷玹合作。
新片導演周隼，係香港新崛起嘅一批導演，從事過編劇同導演嘅工作，之前同 Eason合作《贖命》，全片用英文對白，幾大製作㗎！《蘋果日報》圖片
寫真鬥餐死
7月寫真戰揭幕，除咗大班𡃁模大賣性感之外，亦吸引一批外來客（鍾嘉欣同 Miki）加入戰團，鬥個你死我活！
無綫當紅花旦嘉欣 BB，唱歌拍劇樣樣掂之餘，選美出身嘅佢今年仲推處女寫真，宅男有福了。
Phoebe師妹，有翻版「溫碧霞」之稱嘅 Mika，本寫真話就話 sell天真清純，但背後就谷行 C奶大騷性感，惹火到爆。
有「魔鬼巨胸」之稱嘅蔚雨芯 Rainky，年紀小小但身材激爆，夠晒青春，寫真中亦不忘大晒身材。
性感紙上明星黃榕今年亦有出寫真集，但因為有疑似露點和露股相，不獲淫審處通過而抽起，心急嘅 Gloria仲話要趕快換相，睇嚟鬥心好強吓喎。
雖然上圍只得 B cup嘅許珮榆 Diva，爆增肥後令上圍升咗一 cup，個樣甜美得嚟又有魔鬼嘅身材，果然係重裝備上場。
採訪、撰文：張志威
留言列表
