close
7月 3吋事業線
唐詩詠 瞓身玩遊戲， 3吋事業線即刻跑出。性格討好，身材又好，唔怪得宅男咁冧佢啦。
FBI File
唐詩詠升 Cup解放
娛圈罕有癡女唐詩詠，被崔建邦玩完飛完又被對方 氹掂黐番埋，癡心程度冠絕娛圈，令唔少宅男都對唐詩詠刮目相看。
唐詩詠樣夠甜，加上癡女性格引死宅男，但原來佢身材都唔錯，上星期五佢出席 TVB新劇《衝呀！瘦薪兵團》活動，玩遊戲 嗰陣 瞓晒身露出 W胸。唔只咁，佢玩到樂極忘形，個頭仲差 啲撞到企 喺佢後面 嘅陳智燊添，搞到陳智燊急急用雙手護「小燊」。
FBI好奇問唐詩詠係咪升 咗 cup，佢話自己最近的確肥 咗，「呢排拍《神探高倫布》而增肥 10磅，覺得 𠵱家有女人味，至於上圍我無度過，但都覺得大 咗少少，因為全身都多 咗肉。」人瘦自然胸瘦，所以 FBI幾時都話女人都係有肉好。
4月微波
今年 4月，唐詩詠出席《拳王》活動 嗰陣，上圍仍然平平無奇，估唔到事隔 2個月，佢肥 咗又升埋 cup添。
擋罰球
唐詩詠玩到樂極忘形，個頭差 啲撞到陳智燊下體。陳智燊急急用手遮下體，好似擋罰球咁款。
二人 喺劇內飾演情侶，唐詩詠作狀電吓陳智燊。
大塊田冇嘢睇
同劇 嘅大塊田（田蕊妮）一樣 瞓身玩，但效果同唐詩詠差好遠喎！
之後陳智燊同煎 Pang（陳展鵬）做掌上壓，唐詩詠同大塊田就分別要坐住二人背脊。煎 Pang頂唔順屈住膝頭 hea做，但陳智燊就好鬼認真。梗係啦，因為唐詩詠係坐無影凳，無真係坐落佢背脊。
楊明鼻哥窿食蕉
同一活動，楊明要一邊玩 sit up一邊食蕉。點知負責餵佢食蕉 嘅李亞男就雞手鴨腳，玩玩吓唔小心將條蕉「隊」落楊明個鼻哥窿度，搞到楊明個鼻哥窿都黐埋香蕉肉，差 啲窒息！
留意楊明個口內仲有香蕉肉，畫面幾嘔心。
全站熱搜
留言列表
