雖然廿四味有機會錯手掂到 DaDa重要部位，但 DaDa話冇諗過打底，相信對方一定唔會鹹豬手！
真面目
陳靜 諗多咗 半秒姦殺 DaDa：日日幻想俾人輪
今年憑《低俗喜劇》打低邵音音、金燕玲等前輩，贏得金像獎「最佳女配角」的陳靜（ DaDa），片約一部接一部，暑假更有《迷離夜》、《重口味》及客串的《飛虎出征》排隊上。
成功擺脫「𡃁模」惡名，爭氣 DaDa即刻封胸，高調宣布要做演技派唔再賣肉。於新戲《迷離夜》其中一個由陳果執導的單元《驚蟄》中， DaDa飾演被人輪姦再曝屍荒野的慘情少女，聽落好激，但實情 DaDa完全唔使露，只需用表情交代劇情，要靠演技搭夠，「拍之前我日日幻想俾人輪（姦）嘅情況，諗到好痛苦㗎！」
希望上畫後唔好俾 DaDa班「恩公」高登仔噓爆啦！
《低俗》入面要飛釘又要玩爆炸糖，難得新戲唔使行性感，被人輪都照殺啦！
24歲 DaDa在《低俗》演「爆炸糖」入型入格，贏到女配角獎外，更獲金像獎「最佳導演」陳果賞識，搵佢做新戲《迷離夜》其中一個單元《驚蟄》的主角。
厲鬼報仇
劇情講述 DaDa有晚被廿四味 3個成員阿肥、 Brian及阿傑拉上車輪姦，最後更被殺，棄屍郊外，咁啱在鵝頸橋擺檔打小人的邵音音目睹案發經過，但因怕事唔敢出聲，間接令 DaDa遇害；慘被姦殺的 DaDa，變成厲鬼搵 4人報仇。
以為 DaDa又要剝衫氹觀眾入場，原來呢場戲比《雷霆掃毒》徐子珊 1秒輪姦更冇嘢睇，冇撕爛衫更冇大膽「動作」場面，全程只會見到 DaDa不斷掙扎，擘大口嗌救命。
DaDa被廿四味阿肥同阿傑捉上車，期間音音姐目擊事發經過，但因怕事冇出聲幫手。
粗暴進擊
狂嗌救命冇人理， 3人喺車上將 DaDa輪姦。
嗌到失聲
唔使打真軍， DaDa可以專心鑽研內心戲，據知 DaDa一收到劇本即做定功課，結果輪姦戲 3 take搞掂。「我之前睇過唔少有強姦戲嘅電影，但主要都係靠自己幻想嗰種感覺出嚟，拍前幾日我日日留喺屋企培養情緒，好在去到現場好順利，拍咗 3個 take導演已經收貨，不過嗌得太犀利，第二日全日失聲！」
雖然唔使除衫，但 3男 1女迫埋車廂埋身肉搏，好容易發生鹹豬手事件，但 DaDa大讚廿四味專業，「我同廿四味唔熟，初時都驚會尷尬，不過佢哋好好，啲位夾得好準，完全冇抽水！」
慘被姦殺，右腳連鞋都冇埋嘅 DaDa鬼魂，一臉蒼白確係幾恐怖。不過做乜用四叔樓盤廣告做背景嘅？
DaDa返鵝頸橋打小人，乘機搵冇出手相救嘅音音姐報仇。
猛鬼暑假
改編自李碧華同名小說的《迷離夜》及《奇幻夜》，分別於 7月 11日及 8月 8日上畫。兩部戲各自有 3個單元，全部不同導演不同演員，首部曲的導演包括陳果、李志毅和任達華，其中華哥更加係首次自導自演。
單元 1
導演：陳果 演員：陳靜、邵音音、盧海鵬
少女 DaDa慘遭 3名男子姦殺，事後化身厲鬼到鵝頸橋打小人，怪事隨即接踵而來，附近更發生連串命案！
除咗 DaDa被姦，鵬哥同音音姐爆粗鬧「梁震嬰」一幕都勁爆笑，估唔到導演陳果（右圖）咁夠薑！
Kelly同梁家輝合作驅鬼，算係 3個單元中冇咁驚嚇嘅故事。
導演：李志毅 演員：梁家輝、陳慧琳、童愛玲
風水師梁家輝收山退休，結業前一日將一對被鬼纏的夫婦客人轉介畀隔籬鋪的水晶占卜師陳慧琳，但 Kelly唔夠功力，惟有再請梁出山幫手。
單元 3
導演：任達華 演員：任達華、邵美琪、林雪
住劏房的任達華失業走投無路，於是去墳場偷走有錢人的骨灰再勒索其親友，終於招惹到被騷擾的鬼魂報復。
留言列表
